سر لازمة «أحلى من الشرف مفيش» لدى «توفيق الدقن»

في مثل هذا اليوم عام 1924، ولد أحد نجوم الكوميديا في الزمن الجميل، الذي تحولت لازماته وأدواره إلى علامات بارزة في السينما المصرية، إنه الفنان الراحل توفيق الدقن، صاحب مقولات «أحلى من الشرف مفيش»، «ألو يا أمم»، و«كله على ودنه».
وذكر "الدقن" في مذكراته سر هذه اللازمات، قائلًا: "لقد أخذت هذه اللازمات من شكوكو لأنه كان دائمًا يقول هذه الكلمات في المنولوجات بتاعته وكانت تنتشر بين الناس ويرددونها".
وأضاف: "أما لازمة (أحلى من الشرف مفيش)، فقد كانت شخصية عبده دانس التي أديتها في أحد الأفلام حقيقية بكل أبعادها، وكنت ألتقي به على مقهى في عماد الدين، وكان عامل فتوة على كل حاجة، وكان دائمًا فاتح صدره ورابط صباعه ويقول: (ده الترباس كدة يقفل وكدة يفتح)، وتيجي تكلمه يقولك: أحلى من الشرف مفيش يا آه يا آه".
وتابع: "ولا تأخذ منه جملة مفيدة أبدًا، أي كلام في أي كلام، وتيجى تزعق فيه يكش ويجري، وبعدين أتعرض عليّ الفيلم إخراج حسين فوزي، وبطولة نعيمة عاكف، وشكري سرحان وعبد المنعم إبراهيم، وأنا وظهرت أمامي شخصية عبده دنس لما عرفت دوري في الفيلم أنه الواد الصايع بتاع الحارة اللي غاوي البت، وبيفتعل خناقات مع الشاب اللي بتحبه علشان يخلاله الجو".