أجواء «شم النسيم» تسيطر على مواقع التواصل.. رحمة: «بس خلاص أنا نفسي اتسدت بعد ما إيدي في الرنجة اتمدت».. محمد: «الواحد ياكل ومابيحسش بنفسه».. ميدو: «هيجي يوم للمعفن وهيبقى له قيمة».. ونور: «وزع لبان»

أطلق مستخدمو موقع التواصل الاجتماعي «تويتر»، اليوم الإثنين، هاشتاجًا جديدًا تحت عنوان «شم النسيم»، تصدر أكثر الموضوعات تداولا عبر الموقع، وتفاعل معه الكثير من المصريين، محتفلين خلاله بأعياد شم النسيم، ومن جانبها رصدت «فيتو» تعليقات المصريين.
«سالخة فسيخاية»
قال عمرو المسلماني: «لما تيجي تخرج مع حبيتك يوم شم النسيم - الله في ريحة حلوة أوي = عجبك البرفيوم بتاعي - ريحة الفسيخ مجننة أمي»، وقالت هند إبراهيم: «شم النسيم فسيخ ورنجة وبصل وريحة وكلورتس بدل الورد والربيع والجو البديع»، وأضافت بسنت ناصر قائلة: «لما بنت تكتب على الفيس أوه يع فسيخ يع يع يع وهي سالخة فسيخاية جوه».
«2 جنيه لبان»
وغرد ميدو البلتاجي قائلا: «عايز تبقي أهم واحد في العائلة النهارده؟! هات ب 2 جنيه لبان ووزعوا عليهم بعد الزفارة اللي طفحوها.. التفاصيل بتعمل فرق يا جماعة.. شم النسيم»، فيما قال عوكشة: «والنبي بالنسبة للفسيخ والرنجة برجاء عقموا بطنكم بعدها.. شم النسيم».
وقالت الدكتورة رغدة السعيد خبيرة لغة الجسد ساخرة: «نشر صور الفسيخ حرية شخصية»، فيما قالت رحمة سعيد: «بس خلاص أنا نفسي اتسدت بعد ما إيدي في الرنجة اتمدت»، وأضاف محمد علي: «أحسن حاجة في يوم شم النسيم الواحد ياكل ومابيحسش بنفسه».
«شعب عسل»
وغرد علي محمد ساخرا: «تقولها انتي بتاكلي فسيخ تقولك يااااي إيه القرف ده وتقفل معاك وتخش لأخواتها تقولهم اللي هيقرب من البطروخ هطلع سردينه»، وأضاف الساخر المصري: «إحنا شعب مالناش كتالوج الدول بتولع جنبنا وإحنا عاملينها مهرجان رنجة وفسيخ وربنا إحنا شعب عسل».
وقالت أسماء سعد: «شم النسيم بتفوح الروايح منه»، وأضافت ياسمين الشرقاوي: «الإقبال على السفن والكلورتس تاريخي يا فندم»، فيما قالت نور فتحي: «عايز تكسب ثواب شم النسيم انزل وزع لبان كلورتس»، وغرد ميدو ساخرا: «أنا اتعلمت من الفسيخ حكمة: هيجي يوم للمعفن وهيبقي له قيمة».