إبراهيم سعيد يفتح النار: قلت أفضح مراتي بالصور أحسن ما أقتلها.. يحرج خالد صلاح: ترضى مراتك تتصور مع حد غريب.. ويؤكد: بحترم ميدو ومينفعش حد يقارنني بمحمد صلاح.. اشتريت نادي جولدي وأنا مش مدمن طلاق

قال إبراهيم سعيد، نجم الأهلي والزمالك السابق: «أنا نشرت الصور الفاضحة لزوجتي شهد على الإنترنت وقلت أفضحها أحسن ما أقتلها.. وأختي قالتي إنت حافظت على مراتك وهيا محافظتش عليك.. اللي عملته ده كان في مصلحة إبني آدم» حسب وصفه.
وأضاف خلال لقائه ببرنامج «على هوى مصر»، المذاع على فضائية «النهار»، تقديم الإعلامي خالد صلاح: «أنا راجل محترم ومكنتش أحب إن مراتي تخوني بالطريقة دي.. وأنا دلوقتي متجوز من واحدة تانية وست كويسة ومحترمة وبتحافظ عليا».
مينفعش أتقارن مع حد
قال الكابتن إبراهيم سعيد، نجم الأهلي والزمالك السابق: «أنا مينفعش تقارنوني بأي حد.. الخطيب مثلا راجل محترم ومينفعش أتقارن معاه.. أنا كمان محترم والناس كلها اللي تعرفني متأكدين إني محترم».
وأضاف: «مينفعش أتقارن مع محمد صلاح ومع احترامي ليه هو نجم كبير لكن أنا برضه من أحسن لاعيبة مصر».
وتابع: «ميدو مدرب كويس وأنا بحترمه، لكن حط نفسه في الفترة الأخيرة في مشكلات كبيرة تؤثر عليه كتير».
مدمن طلاق

قال الكابتن إبراهيم سعيد، نجم الأهلي والزمالك السابق: «أنا محترم جدًا والمقربون مني عارفين شخصيتي كويس.. وأنا مش مدمن طلاق أنا كل جوازاتي على سنة الله ورسوله».
وأضاف: «أنا مبحبش الخيانة ولا الكدب ولا الغدر.. وكل طليقاتي عارفين كدا كويس».
وتابع: «أنا اشتريت نادي جولدي وربنا وفقني عشان بجتهد في شغلي.. وعندي ثقة كبيرة في كل اللي معايا سواء في الشغل أو حياتي الشخصية».
أنا مش مبسوط
قال الكابتن إبراهيم سعيد، نجم الأهلي والزمالك السابق: «أنا مش مبسوط إني ظهرت على التليفزيون في الظروف دي وسط مشكلاتي مع مراتي».
وأضاف: «مشكلتي مع مراتي كانت ممكن تكبر وكنت ممكن أقتلها وأقطع رقبتها.. والموضوع وصل لكرامتي وكرامة ابني آدم».
وتابع: «أنا جالي صور كتيرة ترصد فضايح مراتي ولحد دلوقتي بيجيلي صور عليها.. أنا كنت واثق فيها ومبسألهاش على أي حاجة».
صور فاضحة
وعلق الإعلامي خالد صلاح، على الصور الفاضحة التي نشرها لاعب كرة القدم إبراهيم سعيد لزوجته «شهد»، قائلًا: «أنا شايف الصور عادية خالص وممكن أي اتنين أصحاب يتصوروا الصور دي».
ورد إبراهيم سعيد قائلًا: «تقبلها على نفسك إن مراتك تتصور الصور دي»، فيما رد خالد صلاح: «أنا مراتي بتخرج معايا أنا بس وبتتصور أنا وهيا ومبسبهاش تخرج مع حد غريب».
اعتذار عن البرومو
وقدم الإعلامي خالد صلاح، اعتذارًا للمشاهدين، عن برومو حلقة البرنامج التي استضاف فيها إبراهيم سعيد اليوم، بسبب احتواء البرومو على مصطلحات مثل «فضيحة، نكشف أسرار قضية إبراهيم سعيد».
وأوضح أنه لا يسعى إلى الإثارة ببرنامجه، وهدف هذه الحلقة مختلف تمامًا عن البرومو الذي تم كتابته بطريقة ساخنة جدًا مثل عناوين السوشيال ميديا.