"يا مصر هانت وبانت" قصيدة شعرية لتميم البرغوثي

صدر حديثا عن دار الشروق كتاب "يا مصر هانت وبانت"، من تأليف الشاعر الفلسطيني الكبير تميم البرغوثي، يسعى من خلاله البرغوثي لرؤية غد أفضل لمصر بعد ثورة 25 يناير، ويعايش الواقع المؤلم الذي تمر به البلاد من تخبط وصراعات سياسية.

يا مصر هانت وبانت كلها كام يوم
نهارنا نادي ونهار الندل مش باين
الدولة مفضلش منها إلا حبة شوم
لو مش مصدّق تعالَ ع الميدان عاين
يا ناس مفيش حاكم إلا من خيال محكوم
واللي حيقعد ف بيته بعدها خاين
اللي حيقعد كأنه سلم التانيين للأمن بإيديه وقالّه هم ساكنين فين
وصلت لضرب الرصاص ع الخلق في الميادين
حتى الجثث حجزوها اكمنهم خايفين
يا مصر أصبحنا أحيا وميتين مساجين
فاللي حيقعد ف بيته يبقى مش مفهوم
واللي حينزل إلهي حارسُه وصاين
يا مصر هانت وبانت كلها كام يوم