وقال الحمار

مافيش حمار في البلد عارف طريقه فين
حتى اللي راكبين عليه بين العباد تايهين
وكله يضحك على كله شمال ويمين
وبدون حوار أو تفاهم الجميع عايشين
بين الحيتان كل واحد يخدع الملايين
ولو الحمار اشتكى يقف الجميع رافضين
وتزيد حموله ويمشي مكتئب وحزين
وحيعمل إيه.. الحكاية كلكم عارفين
إن اللي عايز يعيش ويكون سعيد ورزين
يقوم بثورة ويرفض كل أمر مهين
لكن الحمير كلهم طول عمرهم ساكتين
والضرب نازل عليهم من سنين وسنين
عايزين حمار مرة واحدة يفسر القوانين
ويقول لنا نعمل إيه علشان نعيش حلوين