«أحلام في شوارع» قصيدة للشاعر «أبو الحسن عكاشة»

حلمهم يلقوا الرغيف وفين تلاقي المستضيف!
وربك العالم بكُونه وربك الهادي اللطيف
البيوت ليهم شوارع والتراب لونهم وناصع
ومين ياعيني يقوم يدافع من شبح ليهم مخيف
الصغير نايم وحافي والفرح لعينيه مجافي
رغم إنه قلبه صافي جوه قلبه صوت ضعيف
ماشي ف الدنيا بهم ومهتلقى دمعُهُ فوق هدومه
حلمه يلقى وسط يومه لقمة من واحد نضيف
أخته تسقيه م الحنان والسكوت مالي المكان
نفسها تنسى اللي كانوا لشرف ليها عفيف
أنت نايم.. هو صاحي ف الشوارع والضواحي
والجراح ساكنة ف قلبه وماشي ف الدنيا شريف