«الحيزبونة إسرائيل» شعر ل «إيهاب البارودي»

كتب الشاعر إيهاب البارودي، قصيدة جديدة بعنوان «الحيزبونة إسرائيل»..
وتقول كلماتها:
لا يهمني سيفك
ولا هبقى على كيفك
وليوم قيامتي..
هكشف أنا زيفك
يا تعبان يا أبو التعابين
خصمك أنا ليوم الدين
مهما تلف يا حيزبون
"يا أبو ألف وش وألف لون"
يا أخطبوط يا عنكبوت
ملعون أبوك وأبو السكوت
مالكش قلب ولّلا روح
زي الديدان بتنخر صروح
مالكش أوبة ولّلا توبة
بتهد طوبة بعد طوبة
تاه الشيطان بين أيديك
ويوم الحساب هيعاديك
شوفتك أنا ف ماتش كورة
بتدبح البراءة والباكورة
شوفتك ف الحرايق وقلب الحقايق
والميزان ف جيبك تقلبه وف دقايق
شوفتك ف كل رصاصة فاجرة
عليها بصمتك وضحكة صفرة
الصرخة شقت توب الأمان
دوت عدت أبعد زمان
صبرنا واصطبرنا والصبر داخ
والعقل جوة قلوبنا شاخ
الظلم داير شَكّل حيطان
والموج دواير نحون حيتان
العيال شابت قبل الشباب
والصبايا صبحت مِرايا ف السراب
يا مطبلاتي يا عبد الدولار
يا شلة فالصو مالهاش عيار
يا برجوازي واليساري الشِمَال
يا شيخ أونطة دقنه في مال
والعناد والمكابرة والعنجهية
بنلف ف دواير والقضية هيَّ هيَّ
العروبة لبسوها طرحة سودة
أمريكوها تجار حروب غير ودودة
الضمير راح زمانه لما مات
فارس قلوبنا الأمل من سكات
سرقوا كل شيء حتى الحلم الجميل
الخيانة والخواجة والحيزبونة إسرائيل
بأرفض وأقول لاااااااااا بأعلى صوت
الأمل راح يعيش والعصابة راح تموت
.. الأمل راح يعيش والعصابة راح تموت