بالفيديو.. سيدة لمحافظ الإسكندرية: «إحنا بنشوفك في الأفراح بس»

وقعت مشادة كلامية حادة بين اللواء طارق المهدي محافظ الإسكندرية وإحدى سكان منطقة ميامي بالإسكندرية "أماني حافظ"، بسبب اتهام الأخيرة للمحافظ بالإهمال والتقصير بخصوص أزمة مياه الصرف الصحي التي أغرقت شوارع ميامي.
وقالت أماني، خلال مداخلة هاتفية بالإعلامي وائل الإبراشي مقدم برنامج" العاشرة مساء" على شاشة"دريم2"، إن المياه منقطعة عن المنطقة منذ أكثر من 24 ساعة وإن الشوارع غارقة في مياه الصرف الصحي، ولا يوجد أي دور للمحافظ، قائلة: "المحافظين اللي زي دول ملهمش مكان في البلد دي بعد الثورة".
ورد المهدي غاضبًا :" أنا أشكك في معلومات المتصلة التي أشارت إلى انقطاع المياه والكهرباء خلال ال 24 ساعة الماضية، فالمياه عادت إلى المنازل في السادسة، والكهرباء هتعود ولكن بعد فترة قصيرة".
وتابع: "إنتوا جايبين واحدة مش من المنطقة تتكلم، أنا موجود دلوقتي في ميامي ومتابع المشكلة من أمس، والعمال شغالين وبيسحبوا المياه من الشوارع، أنا ممكن أخلي ميامي كلها تكلمك وتقولك إن المياه موجودة"، مطالبا الإبراشي بالاتصال بمراسل البرنامج في الإسكندرية حتى يتأكد منه أن المياه أصبحت متوفّرة الآن أم لا.
وعلقت السيدة قائلة: "أنا بشوف حضرتك في مسرح سيد درويش كتير قوى، وفى كل الحفلات والأفراح، إنما ما بشوفش حضرتك في مشاكلنا، إحنا مش حاسين إن إحنا عندنا محافظ، ومش بنتجنى عليك، ونفسنا نساعدك".