مستني إيه

بلاش تبحلَق فيا كدا
وقولّى يالا.. عاوز إيه
بتحبنى؟؟
طب ومالُه.. فيها إيه؟
مكسوف تقولها..
ولاّ انت خايف تعترفلى...
ب اللى حاسُّه ومداريه
لو كنت عاوز تقول حبيبتى
ما تقولها يالا..
مستنى إيه؟
قول إن طعم النوم نسيتُه
وأن ليل الشوق طويل
والطريق مهما مشيتُه
ألف خطوة بدون دليل...
قلبي حايكون لك دليلك
ياللى حُبك مش قليل
قلبي عمال بيناديلك
نبضُه خلّى الروح تميل
ورد كل الكون راسملك..
فوق خدودك شيء جميل
حُط قلبى جنب قلبك
دا الحنان مالوش مثيل
خدنى يالا جوا حُضنك
واعزف اللحن الأصيل
نِفسي أدوق الشهد منك
من شفايفك سلسبيل
دا الأمان شُفته ف عيونك
والفراق بقا مستحيل