بالفيديو.. صاحب «مصنع العبور»: «مش هاقفله وهننزل الشغل بعد أسبوع»

أذاعت الإعلامية ريهام سعيد، تسجيلًا صوتيًا لمكالمة صاحب مصنع العبور المنهار، كان أجراها في وقت سابق معها، للرد على أهالي ضحايا الحادثة.
وقال في المكالمة المنسوبة إليه في برنامج «صبايا الخير»، المذاع على فضائية «النهار»: « أنا مش هاقدر آجي عشان أخويا في المستشفي، من ضمن المصابين في الحادثة، لكن مخلي رجالتي تصرف على كل الناس المتصابة هناك».
وأضاف: «مش أنا السبب في الحادثة، والسبب فيها المهندسين والمقاولين، اللي أشرفوا على بناء المصنع».
وتابع: « أنا هاجي وهاواجه كل الناس، وأي حد ليه عندي مستحقات من العين دي قبل العين دي، ومش حقفل المصنع، وحننزل الشغل بعد أسبوع».
واختتم مكالمته بالقول: « إن شاء الله المصنع هيشتغل تاني، وربنا حيكرمنا عشان احنا اتظلمنا مع الناس، ودي إرادة ربنا».