«المغير» يهذى: الجيش المصري الأقل على مستوى العالم

قال الناشط الإخواني أحمد المغير، المعروف إعلاميا ب«رجل الشاطر»، تعليقًا على ظهور «كتائب حلوان»، إن «الشباب الذين ظهروا في الفيديو حقيقيين فادعو لهم».
وأضاف «المغير» عبر صفحته الشخصية بموقع «فيس بوك»، اليوم الجمعة:«الشباب دول أميل إلى أنهم حقيقيون فادعو لهم ربنا يستر عليهم ويحفظهم وينصرهم بدل العك واللت والعجن اللي عمال أقراه عند ناس كتير ده».
كما أوضح المغير صحة كلامه حول أن «كتائب حلوان» ليس عملًا من صنع المخابرات، قائلًا:«اللي واقفة ورا دي عربية نقل كبيرة مش مدرعة وباين جدا إنها عربية نقل مش مدرعة، بالنسبة إلى انهم لابسين زي موحد!يا الله!طب اخي عينك فين طيب؟!فين اللبس الموحد ده بس؟ اللون الواحد بقي لبس موحد؟ وعلى فرض أنه موحد هيا دي مستحيلة؟ ما انت بتنزل مظاهرة بتلاقي عشرات لابسين لبس موحد من الألتراسات المختلفة كلهم مخابرات يا ترى؟».
وتابع:«البيادات اللي لابسينها مش ميري وباين جدا ومش كلهم لابسين بيادات وواضح لأي شخص نظره نضارة قعر كباية أن كل واحد فيهم لابس جزمة شكل واللي لابس كوتشي، مسك السلاح بشكل صحيح محتاج منك 5 دقائق عشان تتقنه والتقنية الخرافية دي مش حكر على جنود وضباط الجيش والشرطة المصرية اللي هما أقل جيش وشرطة على مستوى العالم احترافيا عشان يبقى أي واحد ماسك السلاح صح يبقة عميل للأمن!».
واستكمل:«المخابرات لو عاوزة تطلع فيديو زي ده هيكون الخطاب فيه متطرف جدا وبمصطلحات إسلامية ولغة فصحى ومليء بالغلو وأمور لا علاقة لها بالجهاد والإسلام لتنفير الناس وتخويفهم وعمرها ما هتعمل فيديو عفوي تلقائي بسيط بيشرح معاناة شخص عادي بيدافع عن نفسه ضد نظام ظالم مجرم قاتل».
واختتم:«كون الناس ماشية جنبهم عادي!!! ما شاء الله عاوزهم يعملوا ايه يعني؟ ده المصري بيخاف من ضله ودول سرية مسلحة برشاشات! يعني اللي جه جنبهم ده يبقي هاين عليه يجري ويختفي بعيد عنهم واللي هيمنعه من الجري خوفه من إنه يثير الشبهة فيضربوه! انزل أية حارة فيها بلطجية بسلاح وشوف رد فعل الناس بيبقى إيه!!!».