المغير عن "كتائب حلوان" الإرهابية: "ادعوا لهم ربنا ينصرهم ضد الجيش والشرطة"

"رجل الشاطر" يحلل فيديو "كتائب حلوان" للتأكيد على أنهم ليسوا من صنع المخابرات

قال أحمد المغير، الناشط الإخواني والمعروف إعلاميًا برجل خيرت الشاطر، تعليقًا على ظهور "كتائب حلوان" وتهديدها لرجال الجيش والشرطة، إن "الشباب الذين ظهروا في الفيديو حقيقيين فادعو لهم".
وأضاف المغير، عبر صفحته الشخصية على موقع التواصل الاجتماعي "فيس بوك"، قائلًا: "الشباب دول أميل إلى أنهم حقيقيين فادعوا لهم ربنا يستر عليهم ويحفظهم وينصرهم بدل العك واللت والعجن اللي عمال أقراه عند ناس كتير ده".
وأوضح المغير صحة كلامه حول أن "كتائب حلوان" ليس عملًا من صنع المخابرات، شارحًا ما جاء بالفيديو، بالقول: "اللي واقفة ورا دي عربية نقل كبيرة مش مدرعة وباين جدا إنها عربية نقل مش مدرعة"، مضيفًا أنه بالنسبة إلى "أنهم لابسين زي موحد.. أخي عينك فين طيب؟!.. فين اللبس الموحد ده بس؟.. اللون الواحد بقه لبس موحد؟.. وعلى فرض إنه موحد هي دي مستحيلة؟.. ما أنت بتنزل مظاهرة بتلاقي عشرات لابسين لبس موحد من الألتراسات المختلفة كلهم مخابرات يا ترى؟".
وأوضح المغير، واصفًا ما ظهر عليه "كتائب حلوان"، قائًلا: "إن البيادات اللي لابسينها مش ميري وباين جدا ومش كلهم لابسين بيادات وواضح لأي شخص نظره نضارة قعر كباية إن كل واحد فيهم لابس جزمة شكل واللي لابس كوتشي"، متابعًا: "مسك السلاح بشكل صحيح محتاج منك 5 دقائق عشان تتقنه والتقنية الخرافية دي مش حكر على جنود وضباط الجيش والشرطة المصرية اللي هم أقل جيش وشرطة على مستوى العالم احترافيا عشان يبقى أي واحد ماسك السلاح صح يبقى عميل للأمن".
وأكد أن فيديو "كتائب حلوان" ليس من صنع المخابرات، بالقول: "المخابرات لو عايزة تطلع فيديو زي ده هيكون الخطاب فيه متطرف جدا وبمصطلحات إسلامية ولغة فصحى ومليء بالغلو وأمور لا علاقة لها بالجهاد والإسلام لتنفير الناس وتخويفهم وعمرها ما هتعمل فيديو عفوي تلقائي بسيط بيشرح معاناة شخص عادي بيدافع عن نفسه ضد نظام ظالم مجرم قاتل".
وأنهى تحليله حول "كتائب حلوان"، بالقول: "كون الناس ماشية جنبهم عادي! ما شاء الله عايزهم يعملوا إيه يعني!! ده المصري بيخاف من ضله ودول سَرية مسلحة برشاشات! يعني اللي جه جنبهم ده يبقى هاين عليه يجري ويختفي بعيد عنهم واللي هيمنعه من الجري خوفه من إنه يثير الشبهة فيضربوه! انزل أي حارة فيها بلطجية بسلاح وشوف رد فعل الناس بيبقى إيه".
كانت مجموعة ملثمة تسمي نفسها "كتائب حلوان"، بثوا فيديو على موقع "يوتيوب"، يعلنون فيه استهداف قوات الجيش والشرطة.