بالفيديو.."الحسينى" ل"نجل الرئيس": خلى أصحاب بابا وبديع يشغلوك

قال يوسف الحسينى فى رسالة إلى عمر نجل الرئيس محمد مرسى، إن مصر بها ملايين منتظرون فى الطابور مش لاقيين شغلانة، وأضاف قائلاً: "أول ما بابا يخلص الطابور اللى سبقك يبقى من حقك أنك تشتغل وكمان ممكن نشوف أخوك الصغير ونجيبله شغل".
وأضاف فى برنامجه "مباشر من العاصمة" الذى يقدمه على قناة "أون تى في" مساء أمس، ل"عمر" نجل الرئيس مرسى "ماترجع لبابا وأصحابه، بابا ليه أصدقاء يكلمهوملك ويشوفولك شغل بفلوس الجماعة الحلال فى القطاع الخاص، وأكسب من عرق جبينك".
وأكمل الحسينى فى رسالته قائلاً: "طلع الباسبور الأزرق بتاعك، واظبط نفسك، أو أقولك أنت ولد عصامى متكلمش بابا واوعى تطلب قرض الصندوق الاجتماعى، أنت كلم أصحابك واعمل مشروع من المشاريع متناهية الصغر".