فتح مرتضى منصور، رئيس نادي الزمالك، النار على هشام حطب، رئيس اللجنة الأولمبية، وقال: «مشكلته الرئيسية أنه يغفل أنني كنت رئيس نيابة في مدينة الإسكندرية، وأسكن بها منذ عام 1979 فيما يعني أنني إسكندراني بعد بلدي ميت غمر بالدقهلية». وواصل مرتضى، خلال مداخلة هاتفية بحلقة الأحد من برنامج «ستاد بيراميدز»، الذي يقدمه الإعلامي مدحت شلبي، موجهًا حديثه لحطب: «أنا قولتلك قبل كده يا هشام أنا عارف لون الفانلة الداخلية بتاعتك اللي أنت لابسها، ابعد عن الزمالك وعيب تبقى عايز تغيظ الزمالك بالأهلي عشان عيب». ورفضت اللجنة الأوليمبية اعتماد الجمعية العمومية لنادي الزمالك، والتي أقيمت قبل أيام مما تسبب في أزمة بين رئيس الزمالك، وهشام حطب رئيس اللجنة. وأتم: «إيه القرف اللي إحنا عايشين فيه ده، اللجنة الأوليمبية تكيل بأكثر من مكيال في أزمة بين لائحة الأندية، أنا كل كلامي بالورق والقانون واللوائح»، ساخرًا: «اللجنة الأولمبية أرسلت خطابا رسميا بعدم اعتماد الجمعية العمومية لفارس بتاع الكبدة». وشدد: «ياريت هشام حطب يخاطب اللجنة الأوليمبية الدولية في الأزمة دي عشان يدخل السجن بالمصايب اللي عنده دي، لأنه لو عمل كده هيبقى بيلعب في أسلاك الكهرباء، واللي بيعمله معايا دلوقتي عمله مع محمود طاهر، وأنا عضو في النادي الأهلي قبل الخطيب ب100 سنة، وبقوله عيب إن هشام حطب يستخدمه في كيد النسا عشان يوري الناس إن اللجنة الأوليمبية ليها سلطات».