قال الرئيس عبدالفتاح السيسي، إنه لا يوجد أحد فوق القانون، وهناك إرادة سياسية حقيقية في مواجهة الفساد. وأضاف السيسي ردًا على تساؤلات في فعاليات جلسة الاقتصاد والعدالة الاجتماعية، خلال اليوم الثاني لمؤتمر «حكاية وطن»، اليوم الخميس: «الفساد، عايز أقول لكل اللى بيسمعنى، فيه إرادة سياسية حقيقية في مصر، من أول أنا فما دون اللي يغلط طبقًا للقانون يتحاسب». وأكد السيسي أن القيادة السياسية تدعم بشدة الأجهزة الرقابية في مصر، ولا يوجد أي موضوع يتم تجنيبه أو تأجيله، مستطردًا: «مفيش دولة فيها 100 مليون مواطن مفيهاش فساد، بس إحنا عايزين نوصل للنسب العالمية، ومفيش بشر من غير أخطاء».