* الرئيس السيسي موجها الشكر للرقابة الإدارية: الدولة جادة فى محاربة الفساد * رسالة السيسي للمواطنين والإعلام عن قضايا الفساد * الرئيس السيسي: "اللي يغلط هيتحاسب.. ومفيش حد خارج المساءلة" * السيسي ل«المواطنين والمستثمرين»:"اقفوا جنب بلدكم 6 شهور بس" * الرئيس السيسي: "المسئول اللي يحتار يرفع سماعة التليفون ويكلمني" * الرئيس السيسي: "لا أتدخل في شئون أي مسئول..وكله يتحاسب" بعث الرئيس عبد الفتاح السيسي، اليوم الأربعاء، عدة رسائل للشعب المصري والمسئولين، وذلك خلال افتتاحه مشروع الاستزراع السمكي بالاسماعيلية، وفي بداية حديثه، هنأ الرئيس الشعب المصري، بحلول العام الجديد موجها الشكر لكل أعضاء هيئة الرقابة الإدارية، التي تقوم بدورها خلال المرحلة الصعبة. وقال الرئيس: "تجربة الاستزراع السمكي في مصر، لابد أن الدولة تتدخل فيها عن طريق هيئة قناة السويس وآخرين، وهي تجربة جديدة وتحتاج متابعة للملاحظات"، مُضيفا: "حتى نكون منصفين لما نتحرك في مشروع بحجم 4 آلاف حوض وعايزين ننجح فيه لازم يكون معانا مجموعة استشارية متخصصة، بجانب جامعة قناة السويس المشاركة بس عاوزين عمل مؤسسي يوجد متخصصين". وأضاف "الرئيس"، "عاوز توقيت لانتهاء هذه الملاحظات بالكامل". كما وجه رسالة لوسائل الإعلام، قائلا: "أرجو أن تكون قضية الفساد التي طرحت في وسائل الإعلام قضية رأي عام، وتؤخذ بمحمل مكافحة فساد ولا تمتد للإساءة لأحد آخر"، مُضيفًا: "نحن دولة قانون ودولة مؤسسات، ووجود فساد في أي جهة لا يعني فساد الجهة بكاملها ولازم نتعود على كده". وأضاف:"ما يصحش ولا يليق بينا.. مؤسسات الدولة محترمة وهيئاتها ناس محترمين وسيتم محاسبة المتجاوز". وتابع: "الأجهزة الرقابية لن تستطيع وحدها مجابهة الفساد، ولكن كلنا مع بعض نحط أيدينا في إيد بعض كمسئولين"، مُضيفًا:"أنا لما اتكلمت كمشروعات للصرف والري في المحافظات، كان الهدف أقول عندنا أدوات وأجهزة وقادة ومحافظين وناس مهتمة لمكافحة الفساد، والأجهزة الرقابية ده جهد كبير بتبذله، وممكن نعمل حاجة معاهم". كما وجه رسالة أخرى للمسئولين قائلا:" أي حد يغلط يتحاسب، مفيش حد كبير على المحاسبة من أول رئيس الجمهورية لأصغر مسئول"، مضيفا: "من 3 شهور حصلت مشكلة في الرئاسة، فسألوني قالولي ها، قلتلهم كله يتحاسب". وأضاف: "مفيش حد كبير على الحساب، لأن دي مش حاجتنا، إحنا مؤتمنين عليها، والكلام ينطبق على جميع المسئولين، مفيش حد خارج المساءلة اللي يغلط هنحاسبه بالقانون، وإحنا جادين ومصرّين على محاربة الفساد". وأكد أن ما يحدث في بلدنا اختبار حقيقي لنا، والشعب المصري نجح بجدارة في تحمل الاوضاع الراهنة والاجراءات الصعبة. br/br brوفي رسالة للمحافظين قال الرئيس عبدالفتاح السيسي" إنه يجب على كل المحافظين أن يعلموا حجم المشروعات التي تنفذ في محافظاتهم، ويتدخل فيها بما لا يؤجل العمل"./br br/br brوأضاف: "تستطيع أن تخاطب كل جامعة بمحافظتك لطلب متخصصين في كل مشروع"، مُضيفًا: "أتصور أن لو أنا مسئول كبير حاطت إيده في كل عمل التجاوز بيقل"./br br/br brوتابع: "اسأل كمسئول بتعمل ايه وهتجيب كام، من حقك تقابل المقاولين اللي بتتعامل معاهم، من حقك تعمل ده لانك مسؤول عن عدم وجود تجاوز ومكافحته.. يمكن تقول مش شغلتي.. انا مقدر ده بس لو كل مسؤول ووزير ومحافظ حط ايده معانا في أي التزام ده التجاوز هيقل"./br br/br brمُضيفًا: "إحنا بنساعد الناس بتوعنا لأنهم لا يتجاوزون، ومع تكرار السؤال هاتعرف ولو احترت ارفع سماعة التليفون وكلم رئيس الرقابة أو كلمني أنا قولي عندي موضوع عاوز اطمن عليه.. هقف جنبك"./br br/br brمستطردًا.. "مش عاوزين ناخد وقت كبير في مكافحة الامراض دي عندنا جهد وعمل كبير عاوزين ننجزه بسرعة نتجاوز كل السلبيات والتي لا تعطي انطباع غير جيد للناس.. مش عاوزين حاجه تعيق تقدمنا ومسيرتنا"./br br/br br/br brوتابع موجها حديث للحكومة والمواطن: " أرجو من الحكومة مزيد من الجهد لضبط الأسعار، وأقول للمواطنين والمستثمرين أقفوا جنب بلدكم مصر 6 شهور بس"./br brفي سياق متصل أكد الرئيس عبدالفتاح السيسي، أنه لا يتدخل في شئون أي مسئول أو أي قضايا،قائلا: "أنا لا أتدخل،ورئيس هيئة الرقابة عارف ده كويس.. الموضوع مع مين أنا ماليش دعوة كله يتحاسب"./br br/br brوأضاف الرئيس السيسي: "أنا مستعد اتحاسب والله العظيم انا مستعد اتحاسب"./br br/br
