حكيم يكشف سبب ابتعاده عن التمثيل: «مش عايز أغلط في زمايلي»

كشف المطرب الشعبي حكيم، عن سبب ابتعاده عن التمثيل، خاصة وأن يملك فيلمًا وحيدًا وهو "علي سبايسي"، الذي قام ببطولته عام 2005، مع النجمة سمية الخشاب، والفنان الراحل وحيد سيف.
وأوضح حكيم إنه لا يحب أن يسئ لزمايله الفنانين الذين خاضوا تجربة التمثيل، قائلًا: "الحقيقة أنا مبحبش أغلط في زمايلي، بس الحقيقة إن كل الأفلام دلوقتي بقت عبارة عن رقصة وخناقة وأغنية، وأنا مبحبش أشارك في النوع ده من السينما".
وأضاف: "أنا مش ضد خوض التجربة مرة أخرى، لكن لو في قصة محترمة وفعلًا محتاجة إن واحد زيي هو اللي يمثلها أكيد مش هتردد، لكن أنا برفض المشاركة في أي عمل تجاري لأني بخاف على اسمي جدًا".
وتابع: "حاليًا أنا مركز أكتر في المزيكا، ومركز إني أطور شكل الأغنية الشعبية، ودي المسؤولية اللي أخدتها على عاتقي من حوالي 27 سنة، ودي الرسالة الفنية الأهم بالنسبالي".