رغم حرص الفنان أحمد حلمي وزوجته منى زكي اختارا على أن يبعدا حياتهما الشخصية وأبناءهما عن الأضواء، إلا أن حلمي كسر تلك القاعدة خلال احفتاله بعيد الأب ومنظمة اليونسيف، ونشر للمرة الأولى صوره لطفله «سليم». وعلق على الصورة، التي نشرها على حسابه الشخصي في موقع «انستجرام»، قائلًا: «لما كنت طفل كان كل حاجة في حياتي، جبل كبير ضخم كله قوة، وعلي قد قوته كانت حنيته، عمري ما انسي كف إيده الدافئ وهو حاضن أيديا الصغيره، نينني عينه اللي بيضحك لما بيبص في وشي، كنت بحس بالأمان لأنه مركز معايا وواخد باله مني، لا شغل شاغله عني، ولا اهتمام كان ناقصني، حفظني طريق مدرستي، زي ماحفظني امشي في أول خطواتي من الكنبة للترابيزة وهو بيشجعني ومحاوطني بدرعاته، إنه أبي. إنه أبويا. إنه والدي. إنه بابا». واستكمل حلمي: «اللي زرعه أبويا من اهتمام وتواصل فرق معايا كتير، أو بمعني أدق خلاني اب أعرف اتعامل مع أطفال، شكرًا يا أبي شكر دائم ومستمر مدي الحياة، شكر أتمني إني استحقه وأسمعه من ابني وبنتي لما يكبروا فأشكرك شكر تاني». وتابع داعمًا لاحتفال منظمة اليونسيف بعيد الأب: «شكرًا لكل أب بمناسبة عيد الأب، وطبعا طبعا طبعا شكرًا لكل ست لأنها هي اللي ولدت وربت كل طفلة بقت أم وكل طفل بقي أب، يونيسف الشهر ده بتحتفل بكل أب في مصر وفي العالم كله، نزّل صورتك مع ولادك أو صورتك مع والدك مع موقف فاكره أثر في تربية ولادك أو في تربيتك وأنت صغير واعمل تاج ليونيسف على @unicef.egypt بهاشتاج #السنين_الأولى_بتفرق، علشان تكونوا جزء من الحملة دي».