فيديو| مرتضى منصور مهاجمًا رامز جلال: «ماسوني وبيلبس زي عبدة الشيطان»

شن مرتضى منصور رئيس نادي الزمالك وعضو مجلس النواب، هجومًا حادًا على بعض مسلسلات رمضان هذا العام، وبرنامج المقالب "رامز تحت الأرض"، مطالبًا مكرم محمد أحمد رئيس المجلس الأعلى لتنظيم الإعلام، بإيقافهم جميًعا.
وأضاف منصور، في مداخلة هاتفية لبرنامج «انفراد» المذاع على فضائية «العاصمة» تقديم الإعلامي سعيد حساسين، أمس الجمعة: "هي البلد دي معدش ليها صاحب يا جماعة.. إيه الملايين اللي بتترمي تحت الجزم عشان أسمع القاذورات اللي بتتقال في مسلسلات زي (الحلال) و(الحرباية).. ماسورة مجاري وضربت في البلد".
وواصل هجومه على رامز جلال، قائلًا: "ملابسه تشبه عبدة الشيطان وبيرمز للماسونية، مفيش حد بيقوله بتعمل إيه، كل شوية يهين الرموز الرياضية والفنية والإعلامية من مصر والبلاد العربية.. وفي الآخر شاروخان أداله بالجزمة".
وناشد منصور، الرئيس عبد الفتاح السيسي، قائلًا: "يا سيادة الرئيس، أنت متصوف ومتدين، وربنا هيسالك عن كل ده.. زي ما ربنا هيسألني عن نادي الزمالك".