قال وليد البطوطي، مستشار وزير السياحة، إنه لا علاقة بين فرض حالة الطوارىء في مصر ومعدل السياحة، وتابع قائلًا: "ارحموا مصر من الشائعات، المواقع الإلكترونية في مصر عاوزة تولعها وتضرب أخبار وخلاص". وأضاف البطوطي، خلال مداخلة هاتفية ببرنامج "هذا الصباح"، المذاع على قناة "cbc extra"، :"أنا داخل فندق النهاردة ومعايا وفد سياحي، مصر لسه مطلوبة يا ريت نبطل كلام وخلاص". وتابع: "فرنسا لما بيجي صحفي يكتب حاجه غلط عندها بيتعاقب، لكن في مصر أي واحد يقعد على موقع إلكتروني يكتب أي حاجه عن مصر مبيحصلش معه حاجه رغم أنه ميعرفش أي حاجة، مطالبا بمعاقبة كل من يتداول أخبار خاطئة عن مصر، "لازم يتقبض على حد حتى يكون عبرة لمن لا يعتبر، والكل يتلم". واستكمل: "الهيصة اتعملت على تمثال المطرية وبعدين الخبير الألماني ظهر بنفسه وقال إن الطريقة التي تم استخدمها هي الوحيدة التي تصلح، مش كل صحفي مش فاهم آثار يتكلم وخلاص ويولع الدنيا.