«مصرع شاب في كافيه وآخر قتل بسيخ شاورما».. أبرز حوادث «البلطجة» هذا الأسبوع

شهد المواطنون هذا الأسبوع عدد من حوادث "البلطجة" والقتل العشوائي لأسباب تبدو انها ليست بالقوة التي تؤدي لذلك، ويرصد "التحرير- تريند" أبرز تلك الحوادث.
مقتل شاب في كافيه
قُتل شاب يدعى محمود بيومي في كافيه بمصر الجديدة، من قبل إحدى العاملين به، بعد مباراة "مصر والكاميرون" بنهائي بطولة إفريقيا، وحدث ذلك بسبب خطأ وارد في الفاتورة وأسلوب المسئولين بالمكان الذي أدى لشجار بين محمود وأحد العاملين الذي قتله ب"مطواه" أمام خطيبته.



مصرع شاب في مدينة نصر
تداول عدد من رواد موقع فيسبوك، صوراً لضحية جديدة بطعم في "مدينة نصر"، وشرحوا الواقعة قائلين: "عبد الرحمن ركن عربيته أمام مطعم أبو مازن فى مكرم عبيد فى مدينة نصر يوم ماتش مصر فى النهائى.. وعلشان كان الماتش قرب يبدأ ساب رقم تليفونه على العربية وقال فيها أعطال.. وفوجئ باتصال بعدها بأن عربيته فى الممنوع والونش هايسحبها رجع بسرعة ملقاش حاجة.. قابله عمال المطعم قالوا إنهم اللى اتصلوا عليه وطلبوه ياخد عربيته.. قالهم ده شارع ملك الحكومة ودخلوا فى مشاجرة معه ضربوه على إثرها بسيخ شاورما".
وأضافوا: "حصل له كسر فى الجمجمة واتنقل للعناية المركزة.. اتقبض على عدد من العاملين فى المحل.. بس كان صاحب المحل هرب العمال .. واتخلى سبيل المقبوض عليهم لعدم وجود دليل.. ده كلام والدة عبد الرحمن".


قتل ممرض بالقصر العيني
تم قطع الطريق على شاب يُدعى محمد البيلي يعمل كممرض في القصر العيني وسائق "توك توك"، أُطلق عليه النار من قبل "بلطجية" وأدت إلى نقله للمشرحة، قبل خطبته بأسام.

لصوص الدائري
نقل أحد مستخدمي "فيسبوك" صور ترصد لصوص متوطنين ب"الدائري"، قائلاً: "قدر الله ماشاء فعل.. دايماً بحذر الناس من حرامية الدائري و بنصح أي حد بيمشي عليه يقفل الإزاز بسبب زيادة حوادث سرقة الموبايلات من جوه العربيات بصوره مرعبه، كل مره كنت بحاول أساعد لكن يا إما بيكون الحرامي جري أو بيحصل عائق يمنعني إني أجري وراه.. ولتوضيح عملية السرقه: بتحصل غالباً بعد الساعة الخامسه مساءا قبل نزلة أثر النبي، اتجاه الجيزه... بيكون الطريق واقف في الوقت ده والاتجاه التاني ماشي سريع و بتلاقي متوسيكل عليه 2 أو 3 ماسك شمال و مهدي (تعرف أنه حرامي على طول).. بينزل واحد ينتش الموبايل من العربيه و يركب المتوسيكل تاني و يخلعوا".
وتابع: "إنهارده قررت أكون إيجابي أكتر شوية... و كالعاده شوفت متوسكلين (في نفس المكان بتاع كل مره) وواقفين .. واحد نزل و بيحاول يسرق... السواق لحق نفسه وقفل الإزاز بسرعه فالواد رجع للمتوسكل تاني... في اللحظه دي كنت بطلع الموبايل و بصورهم (و نحاول نوصل الصور للمسؤلين بعد كده).. بس شافوني ونا بصورهم و هنا حصل الي ماكنتش أتخيله!!.. طلعو يجرو ورايا بمنتهى الجرأه و شتايم للصبح أكني أنا الي سرقتهم و فجأه سمعت البرابريز الي ورا بيفرقع و طوبه - الي في الصوره - خابطه في الكرسي من ورا". شاهد أيضا ضبط 3 تشكيلات عصابية للسرقة وتجارة المخدرات في القليوبية ضبط تشكيل عصابي تخصص في سرقة المواطنين بالشيخ زايد حبس متهمين بسرقة حقيبة موظفة في المطرية ضبط تشكيل عصابي تخصص فى سرقة المساكن بمطروح القبض على نصاب ادعى قرابته ب«الرئيس» لسرقة 56 مليون جنيه صور| أهالي الشرقية يرون تفاصيل سرقة عربة التموين سقوط عصابة سرقة المواطنين بالإكراه داخل ميكروباص في التجمع وتابع مازن: "مش بس كده... شالو المتوسكل على الجزيرة إللي في النص و طلعو يجرو ورايا... كل ده وانا مش مجمع إني بجري من حراميه!!.. لقيت بوكسين شرطه ماشيين جنبي متروسين عساكر بسلاح ولا واحد اتحرك!.. قربت من واحد منهم و شرحتله الي حصل قالي بمنتهى الذوق و الشياكه: معلش أصل دي مش منطقتي... وفى الاخر وافق اني أمشي قدامه لحد ما دول يمشو، بصراحه رد فعل الشرطه متوقع من كتر الحكايات الي بنسمعها لكن الجديد هو رد فعل الحراميه". واستكمل: "أنا مش زعلان على البرابريز الي اتكسر أنا مرعوب من حال البلد و حاسس أن الخطر بيقرب مننا كل يوم.. أنا فعلا مبقتش عارف أعيش في البلد دي ولا عارف هربي ابني على أنهي قيم و مبادئ".