رواد فيسبوك يهاجمون رئيس جامعة القاهرة لقتله الكلاب بالسم

تداول عدد من رواد موقع فيسبوك، اليوم الجمعة، مقطع فيديو لكلب يحتضر بجامعة القاهرة نتيجة تناولة جرعة سم "الاستركنين"، بعد قطع أذنه وذيله، بحجة وقاية الطلبة من مرض "سُعار الكلاب".
ورد رئيس الجامعة الدكتور جابر نصار، على ذلك بأن قتل الكلاب الضالة بالجامعة أمر قانوني، مادام أنه حفاظًا على الأرواح البشرية من أن تصاب بمكروه أو أذى.
وعلّق النشطاء قائلين: " قتلوا الكلاب اللى جوة بسم الاستركنين ومنعونا نلحقهم ونعالجهم ورئيس الجامعة هو اللى منع دخولنا عشان نلحقهم".
وأضافوا: "لما بنت من الفريق مسكت الكلب وكانت خارجة بيه علشان نلحقه، الأمن شدوه منها من رجله وشدوها هى من الشنطة وطردوها بره الجامعة مع أنها طالبة من الجامعة أصلاً.. وراجل من الفريق دخل يتكلم معاهم هو من الجامعة برضو.. كل اللى من شركة فالكون بتاعة الأمن اتعرضوله واتخانقوا معاه".
وتابعوا تعليقًا على رد جابر نصار قائلين: "الكلب المصاب بالسعار مبياكلش يبقى إزاى أكل السم؟؟ غير كده الكلب ده فيه واحدة من الفريق مسكته وفيه ناس من الجامعة كانوا عارفينه وبيروحوله كل يوم والكلاب مسالمة بشهادة أكتر من 100 طالب".