فيديو| أحمد موسى منفعلًا: «لما الفرخة تبقى ب40 جنيه يبقى بنمص دم المواطن»

استنكر الإعلامي أحمد موسى، ارتفاع أسعار الدواجن إلى أن وصل سعر الدجاجة الواحدة ل40 جنيهًا، وقال غاضباً:"لما سعر الفرخة يصل ل 40 جنيه يبقي ده اسمه تهريج وإنتم بتهزروا، واللي يزعل مني يزعل".
وتابع موسى، خلال برنامج"على مسئوليتي"، المذاع على قناة"صدى البلد"، :"كان هناك وعود بعدم زيادة أسعار الفراخ ل28 جنيه، ولكن لم تنفذ، لما ألاقى النهاردة ب 40 جنيه أعمل إيه؟".
واستكمل: "المواطن اللي بيدفع الفاتورة، ومينفعش الحال يستمر لما هو عليه، كده إحنا بنمص دم الناس، عايزين نقطة نظام ومن أول السطر".
وناشد موسى منتجي الدواجن في مصر الالتزام بقرراتهم والوفاء بعهدهم، خاصة أن الحكومة وقفت بجانبهم خلال الفترة الأخيرة، في إشارة إلى تراجع الأخيرة عن قرار رفع الجمارك عن الدواجن المجمدة المستوردة.