بالفيديو.. القرموطي للسيسي: «الحكومة بتمص دمنا يا ريس»

انفعل الإعلامي جابر القرموطي على الهواء مباشرة، بسبب "الفساد المنتشر داخل مصر"، حسب وصفه، قائلا: "إيه اللي مخلي الفساد واصل للدرجة ديه، هل إحنا فسدة حد يقولنا".
وأضاف، خلال تقديمه برنامج "مانشيت القرموطي"، على قناة "العاصمة": "ومش عاوز واحد يطلع يقولي الإعلام المصري بيقول للدولة المصرية إنتي فاسدة، السوس بينخر في عظام الدولة وشايفين وساكتين، مش عاوزين نقول كفاية، حرام هتقلعوا الناس ملط، اهدوا شوية، فساد في كل حاجة".
وتابع منفعلا وبصوت حاد: "أقسم بالله العظيم بلد مليان فساد ومش عايزين نراقب وعاوزين نسيبها زي ما هو، إحنا من أغنى البلاد في العالم، هل الحكومة بتعمل ايه في البلد".
واستطرد: "إحنا مش محتاجين قروض، إحنا محتاجين نحارب الفساد في البلد، وربنا بقول للريس أهو، وهو في البرتغال إحنا مش محتاجين قروض، محتاجين نحارب الفساد اللي عارفين مكانه، مفيش أزمة سكر، يا حكومة إنتي بتمص دمنا".