بالصور| ارتفاع أسعار مستلزمات الكحك.. والأهالي: «العيد للأغنياء فقط»

شهدت أسواق بيع مستلزمات حلوى العيد ارتفاعًا كبيرًا هذا العام، ما يضع المواطن البسيط في مأزق، خاصة مع ارتفاع أسعار الحلوى الجاهزة.
يقول محمد عبد المؤمن، بائع بأحد المحال التجارية المتخصصة في بيع مستلزمات الحلويات بمنطقة المنشية، إن الأسعار ارتفعت هذا العام، بنسبة 20%، ما تسبب في تراجع إقبال المواطنين على الشراء بنسبة كبيرة، مضيفًا: "إحنا خلاص في وقت عمل الكحك، واللي مش هيشتري دلوقتي، هيشتري امتى؟".
ويُضيف حسن محسن، صاحب محل لبيع مستلزمات الحلويات، أن السبب الرئيسي وراء ارتفاع أسعار مستلزمات الكحك، زيادة سعر صرف الدولار، لافتًا بأن غالبية المستلزمات يتم استيرادها من الخارج.
وعن الأسعار هذا العام، أشار "محسن" إلى أن سعر البندق بلغ 130 جنيهًا للكيلو، و180 جنيهًا لعين الجمل، واللوز ب120 جنيهًا للكيلو، وكيس الدقيق ب 5 جنيهات، وسجل السكر الناعم 6 جنيهات، والسمسم 25 جنيهًا، والعجوة والملبن ب11 جنيهًا.
ويُوضح محمد سالم، صاحب محل بمنطقة المنشية، أن نسبة الإقبال هذا العام أقل من العام الماضي، مشيرًا إلى أن "السنة دي الناس بتشتري بشكل أقل، واللي كان بيشتري كيلو، بقى يشتري نص".
وتؤكد منى سعيد، ربة منزل: "السنة دي كحك العيد مش للغلابة، الأسعار نار للجاهز، وكمان لو في البيت فأسعار المستلزمات ارتفعت بنسبة كبيرة، مضيفة: "أنا هعمل نص الكمية اللي كانت بعملها السنين اللي فاتت".
ويرى محمد راضي، موظف أن "المواطن الغلبان مش عارف يعمل ايه، وهو لسه خارج من مذبحة أسعار رمضان، وكمان لسه ملابس العيد، وارتفاع أسعار الكحك زودت المشكلة".