نيللى كريم لهالة سرحان: أنا ماليش فى السياسة لأن السياسة نجاسة

«هذه الحلقة تم تسجيلها قبل 30 - 6»، هكذا كتب صناع برنامج هاله سرحان «هاله شو» فى حلقة أمس كإشارة إلى أن الحلقة تم تصويرها قبل هذا اليوم لما يتضمنها من مهاجمة للرئيس المعزول محمد مرسى، وقامت فى البداية هالة سرحان بتقديم أبطال مسلسل «ذات» نيللى كريم وباسم سمرة ومحمد عمر، ثم قاموا بغناء أغنية «لا اخترناه ولا بايعناه»، التى قدمها باسم يوسف فى إحدى حلقات برنامج «البرنامج»، قالت نيللى كريم إنها من الشخصيات التى تحب مشاهدة برامج التوك شو يوميا على الفضائيات، وحينما سألتها الإعلامية هالة سرحان «أنتِ بتقولى أنا مش بتفرج على برامج توك شو وزهقتى من السياسة.. وطلعتى سياسية أوى وبتعملى اعتصامات»، فردت عليها نيللى كريم قائلة «لا أنا بتفرج على التوك شو، لكننى لا أحب السياسة وماليش فيها وبعدين السياسة نجاسة زى ما قال صاحبنا»، من جانبه قال باسم سمرة إحنا فى طيبستان، ولن نخرج منها إحنا مش هنمشى هو يمشى.. الشعب المصرى حر وجدع، وكل البلاد اللى حولينا اتعلموا كده يعنى، فعلقت هالة سرحان ساخرة هم كانوا بيقولوا لمبارك فى المظاهرات هو يمشى.. مش هنمشى والشعب المصرى يقولها فى أى وقت، وقالت هالة سرحان أنا كانت تهمتى من النظام اللى قبل كده هى «تكدير الأمن العام»، بينما أكد باسم سمرة قائلًا إحنا فى مسلسل «ذات» نستعرض أحوال مصر فى الخمسينيات من أيام جمال عبد الناصر والسادات وحسنى مبارك، وقالت له هالة سرحان مالحقتوش إنتو بعد كده قالها ده كويس عشان المسلسل ينجح، وقالت نيللى أهم حاجة فى «ذات» أن فيه اختلاف فى وجهات النظر، أن فى حد مع السادات، وحد مع ناصر، وحد مع مبارك، وحد مع الثورة الجديدة، لكن فى النهاية كلنا مع بعض، ومهما كان الاختلاف لازم نكون مع بعض، وقال باسم سمرة أنا مش فاهم إزاى جابوا محافظ للأقصر كان مشترك فى قتل مذبحة أسيوط، وقال أيضا زى وزير الثقافة اللى قاعد على قلبنا، وفى آخر فقرة من البرنامج قامت هالة سرحان بوضع عدد من العلب الزجاجية، وبها حبات وكل علبة تحمل اسم مثل «النفاق والصراحة والشجاعة»، وقالت نيللى أنا هاخذ حباية الشجاعة مع قلة الأدب، أعمل ميكس ودونت ميكس، وقال باسم سمرة أنا عاوز أكذب وآخذ حباية للكذب، وقال إحنا فى مرحلة انتقالية، وكله هيتبسط وهامون العربية، وأنا مروح والإخوان ماعندهمش أى تاريخ عنف، وعاصم عبد الماجد ماقتلش حد، والناس دى مريحة، واطمنوا، وماحدش هيقهرنا وبكره هيبقا عندنا رئيس قوى.