كشفت «دولت عبادي» أم الشهيد الرائد أحمد فاروق عن تفاصيل لقاء الرئيس عبد الفتاح السيسي مع الأمهات اللاتي فزن بلقب "الأم المثالية" من مختلف المحافظات، بالإضافة إلى الأمهات المثاليات لشهداء القوات المسلحة والشرطة. وقالت، خلال مداخلة هاتفية مع برنامج "صباح أون" على فضائية "ontv"، صباح اليوم الاثنين: "الرئيس كان في استقبالنا وكان واضح إنه رشيق جدًا وطلع واحد زينا، وظهر فيه حنية الأب أول مشفناه، وبعدين أعطى لكل أم أجندة وقلم وقال اكتبوا اللي إنتم عاوزينه، وكان بيشرب شاي زينا وقالنا أنا زيكم ومنكم، وقولته أنا مش مصدقة لإني اتفاجئت بكده". وأضافت: "أنا زوجي توفى نتيجة إصابة عمل في 1985، واحتسبته هو وابني شهداء في الجنة، ومش عاوزة أي حاجة، وزمايلي على طول بيطلبوا مني إنهم يقدمولي في مسابقة الأم المثالية أقولهم لأ، وقولت ليهم اتركوها للناس.. والحمد لله مش محتاجة حاجة، لكن بعد ذلك رغم إني مقدمتش على جائزة الحصول على الأم المثالية رشحتني العلاقات الإنسانية بوزارة الداخلية من غير ما أعرف وقولتهم إني مقدمتش". وتابعت: "بوجه الشكر لوزير الداخلية هو خير الأب لكل أفراد الشرطة، أنا أسمع عنه إنه إنسان بما تحمله المعاني، والحادثة اللي حدثت في سيناء أنا بكيت من قلبي عشان الغدر والخيانة وربنا يحمي مصر من شياطين الإنس والجن".