هاجم الفنان شريف منير، اليوم الثلاثاء، الإعلامية بالتليفزيون المصري، عزة الحناوي، على خلفية مهاجمتها الرئيس عبد الفتاح السيسي، مجددًا، في حلقة أول أمس الأحد، من برنامجها «أخبار القاهرة»، الذي يُذاع عبر قناة «القاهرة» الأرضية. عزة الحناوي تهاجم «السيسي» مجددًا: «سيادتك مابتشتغلش.. وخطابك الأخير إعلان للديكتاتورية» قال «منير»، خلال مداخلة مع الإعلامي أحمد موسى، ببرنامج «على مسئوليتي»، عبر فضائية «صدى البلد»، «أنا هحاول أكبح جماح نفسي، وأسيطر على أعصابي شوية، لأنه لما حد يكون شايف إنجازات ويقول إنه مش بيحصل حاجة يبقى يبص لنفسه ويروح يتعالج، إحنا مش ملاحقين من الإعلاميين اللي بيحاولوا يحبطونا، يبقى كمان التليفزيون المصري بتاعنا تطلع على شاشته مذيعة تهاجم، ماينفعش أبدًا». أضاف: «طريقة المذيعة لا تليق، ولا تمت إطلاقًا عن تقبل الآخر، ده تليفزيون الدولة وإذا كنتي مش شايفة اللي بيحصل يبقى لازم تشوفي حد يكشف عليكي، الإنجازات عديدة بداية من قناة السويس إلى مقاومة الفساد، وشكلنا الذي أصبح جيد أمام العالم، إحنا نتقدم ومتشكرين جدًا على رأيك، الطائرة المصرية طارت خلاص، واللي مقدرش يلحقها يقعد يُلطم مع نفسه». تابع: «مش هينفع إن تليفزيون الدولة يطلع فيه ناس تحبط، واللي مابيشوفش الإنجازات اللي بتحصل يبقى أعمى، كله ده ومش عاجبين حضرتك، لازم نوقف التليفزيون ده على رجليه بس على نضافة، إنت غلطتي قبل كده ومحدش كلمك، عشان كلامك ملوش لزمة، وغلطتي تاني، ومحدش برده هيكلمك، اسكتي بقى واشتغلي وبس، وخليكي ورا دولتك».