عكاشة ل«أديب»: «وكتاب الله لامشيك بالملابس الداخلية في مدينة الإنتاج»

شن النائب البرلماني توفيق عكاشة، هجومًا حادًا على الإعلامي عمرو أديب، واصفًا إياه ب«صبي العالمة الأقرع».
قال عكاشة، خلال حواره ببرنامج «مصر اليوم»، الذي تقدمه الإعلامية حياة الدرديري، عبر فضائية «الفراعين»، «أديب يعمل في قناة سعودية، وأنا هبهدل السعودية بعد كده، وإذا السعودية مالمتش الواد الأقرع ده، اللي كان شغال صبي عالمة، اللي كان بيلبس بدلة رقص، أقسم بالله ما أنا سايب السعودية».
واقسم «عكاشة» على القرآن الكريم، قائلًا: «بقول للعائلة المالكة في السعودية، وأقسم بالله إن ما طردتوا عمرو أديب من أوربت لهسخر قناة الفراعين في حملة من الوثائق والمستندات والصور على كل ما تفعلونه من أخطاء، أنا مش هكلم عيل من الأقزام، لكن أما هجي أضرب هضرب المالك بتاع القناة، ومالك القناة عيل سعودي، وهيجيب الأذى للسعودية كلها».
أضاف: «إما تطردوا عمرو أديب اللي شغال خدام عندكم ده، وإما تستحملوا اللي هيحصلكم، عيب أني أتشتم من عيل رقيع كان شغال صبى رقاصة، راح فتح قهوة مانفعش، راح فتح بار مانفعش، ده ماسبش حاجة فيها فسق إلا وراح عملها ومنفعش برده، وأخوه هربان عشان عليه شيكات لا حسر لها، والدولة سيباه عشان بتستخدمه، والعين بالعين، وده آخر تحذير للسعودية».
تابع: «يا عمرو أنا مش عايز أهاجمك رغم إنك قليت أدبك عليّا، لكن لو إنت عايزني أهاجمك فأنا هفرمك يا عمرو، وكتاب الله لأمشيك بالملابس الداخلية في مدينة الإنتاج الإعلامي لو سمعتك بتجيب سيرتي تاني».