بالفيديو.. عيسى: «مفيش مؤامرة» والمصالح تحكم العالم

قال الكاتب الصحفي إبراهيم عيسى، اليوم الأربعاء، إن «الدول المحترمة الذكية النبيهة التي لها مصالح لابد أن تتآمر، وتتآمر بمعنى أن تضع خطة لتنفيذ مصالحها، كلمة مؤامرة ليست سيئة السمعة، إحنا رأينا أن بعض الدول تتآمر علينا، وهم يرون أنهم ينفذون مصالحهم، حاجة غريبة أوي يا أخي، ما تتآمر إنت كمان، اللي مش عاجبه إن العالم يتآمر عليه يتآمر هو كمان، حد منعك، إيه اللي يمنعك إنك تخترق أي حدود وسدود لكي تنفذ خطتك أو مصلحة بلدك».
وأضاف عيسى، خلال برنامجه «مع إبراهيم عيسى»، عبر فضائية «القاهرة والناس»، «لو بريطانيا مثلًا عاملة مؤامرة علينا هتبعت لنا مليون سائح ليه في السنة، لو هما عايزين يوقعوك يبعتولك السياح دول ليه، لأن دي مصالح مش مؤامرات، مصلحة تخليه يبعت مليون سائح، ومصلحة تخليه يسحبهم كلهم، الخطط تتغير مع ظروفها، وكذلك أمريكا، كل مشروعات المعونة مستمرة ولم تتوقف، دول هيعملوا مناورات النجم الساطع اللي وقفت أيام مبارك، وده مش معناه إنهم بيحبونا، مفيش حاجة اسمها حب في السياسة، في مصلحة، دعونا نحدث العالم بلغة المصالح والمؤامرات».