بالفيديو| محمود سعد: «الفساد في البلد لآخره.. وبلاها لحمة»

قال الإعلامي محمود سعد، اليوم الأربعاء، إنه «من الخيبة إني أقول للناس الغلابة بلاش تاكلوا لحمة، لأنهم كده كده مش بياكلوها غير في الأعياد، نسبة فقر 27 %، لكن القادرين يجب أن يمتنعوا عن شرائها تضامنًا مع حملة بلاها لحمة، حتى تنخفض أسعار اللحوم، وتكون في متناول الجميع».
وأضاف سعد، خلال برنامج «آخر النهار»، عبر فضائية «النهار»: «أقول للأغنياء كن مع الضعيف تكن إنسانًا، بلاش تشتروا لحمة، بلاها لحمة اليومين دول، عشان تكون إنسان لازم تحس باللي حواليك، أعمالك دي هي اللي هتبقى في قبرك، وإلا هتعيش لوحدك وهتموت لوحدك وهتكون لوحدك في قبرك، عاوز تاكل لحمة، كل زي ما أنت عايز، وأنت اللي هتتحاسب».
وتابع: «سيدنا عمر رضى الله عنه، رأى أحد الصحابة يحمل لحم شراه من السوق، قال: ما الذي تحمله، فرد الصحابي: لحم رأيته في السوق اشتهيته، فرد عليه عمر: أفكلما اشتهيت اشتريت»، مطالبًا الحكومة بإحكام الرقابة على أسعار اللحمة وتوفير كمية كبيرة من الدواجن لتلبية احتياجات المواطنين تزامنًا مع حملة مقاطعة اللحوم.
واستكمل: «لدي ثقة عمياء في المسئولين بالدولة لحل المشكلة، أنا شخصيًا معشداش عليه عصر أثق في مسئوليه زي العصر ده، المسئولين مش فاسدين، ولكن هناك بعض الوزراء مش أكفاء، لكن مفيش فساد بين قيادات الدولة، بس المشكلة الحقيقة إن الفساد في البلد لآخره».