بالفيديو.. المحامي محمد الجمل: لن أتنازل عن حقي حتى لو على رقبتي

قال المحامي محمد الجمل الذي تعرض لطلق ناري من أمين شرطة داخل محكمة مدينة نصر إنه دخل في إضراب مفتوح عن الطعام والعلاج، بعد إخلاء سبيل المتهم، حتى يعود إليه حقه وحق نقابة المحامين.
وأضاف الجمل في تصريحات خاصة ل"التحرير": "أنا شيلت جهاز التنفس الصناعي لغاية ماحقي يرجع.. أنا مش هقدر أعيش من غير كرامتي".
وتابع: "إللي قالوا إني اتنازلت عن القضية مش بيفهموا وبيقولوا كلام أهبل، لأني عمري ماأعمل كدة مع واحد اتعدى عليا ونزل نقطة من دمي لإن نقطة دمي اغلى من الدنيا كلها، مافيش حاجة هتعوضني عن التعب دة".
واختتم الجمل: "عمري ماهتنازل حتى لو على رقبتي لغاية ماأرجع حقي وحق المحامين، لأن التعدي مش حصل على محمد الجمل بشخصه، ولكن بصفته محامي".