وتناثرت الدماء

أنا طفل شيلت الهم بدرى وعشت حياتى ابنيها بكفاح
كان حلمى أكون لاعب كورة زى أبوتريكة ولا محمد صلاح
لا أنا متربى على اللحمة ولا أعرف طعم التفاح
قالوا عنى بشرب كولا واتهمونى بالسفاح
وعشان لا أنا ابن بيه ولا ليا ضهر يحمينى حقى دايما منداس
لا فى بقى معلقة دهب ولا توبى من الماس
قتلونى من غير رحمة شافونى كلب مش ناس
حقى راح زى غيرى كتير ماخلاص انعدم الإحساس
واقف أبيع بطاطا وعمرى ست سنين
أنا وصحابى بنلف فى ميدان سارحين
واهى ماشية على ماتفرج وأدينا عايشين صابرين
مكنتش أعرف إن أنا الضحية وأن منصوبلى الكمين
وفى لحظة وأنا بهوى فى الحطب قتلونى السفاحين
قتلونى وكل ذنبى إنى أنا مسكين
ما تبكيش يا أمى دمى مارحش هدر ابنك مش بعير
أنا بطلك الشهيد وافتخرى أنا عند ربك البصير
حقى هيرجع ده ربى كريم مابيسيبش حق فقير
هو القادر وحده وعالم بكل حقير
ده وعدى ليكى أنا وإنتى فى الجنة لأنك أم الأمير !