علق الإعلامي عمرو أديب، على واقعة إحراق الطيار الأردني، معاذ الكساسبة، على يد عناصر تنظيم الدولة الإسلامية "داعش"، بشكل صادم، قائلًا: "الناس لازم تعرف الجماعات الإسلامية عاملة إزاي، وولاد الإخوان عاملين إزاي، وتربية الإخوان عاملين إزاي، ولازم تعرفوا المتطرفين عايشين إزاي، لازم تعرفوا وتكرّهوهم" ؟ وأضاف "أديب"، خلال حلقة أمس من برنامجه "القاهرة اليوم"، المذاع عبر فضائية "اليوم": "الهبل اللي موجود عند العيال بتوعنا، والعته اللي موجود عند الشباب الجديد، المرة دي اللي بيتقتل عربي مسلم، المرة دي اللي بيتقتل طيّار زي الورد في عمر الزهور". وتابع الإعلامي مصرًا على إذاعة الفيديو كاملًا: "أنا عايزكم تشوفوا البطل، اللي لو كان حد غيره مكنش هيعمل كده، همّا فاكرين إنهم لما هيعملوا كده الناس هتخاف، لكن اللّي عملوا الكساسبة وهو بيموت ده درس لكل الناس".