العبط اللامتناهى

ضحك الموشك على الغرق ضحكة العالم ببواطن الأمور وقال : هأو .. ليه هو أنا عبيط
كان وحيدا يتعلق بطرف قاربه الصغير المهشم وسط الأمواج العاتية ، كان فاقدا للأمل ومن حوله تحوم أسماك القرش المفترسة تنتظر اللحظة المناسبة للإنقضاض عليه
بالكاد يستطيع أن يفتح عينية التى أدمتهما ملوحة المياة لينظر هنا أو هناك عله يلمح منقذا يأتى ليخلصه من نهايته الحتمية ولكن لا أحد
أغلق عينيه على ألمه وأستسلم لضعفه وقلة حيلته منتظرا نهايته إما غرقا أو كطعاما للقروش
حتى سمع صوت قارب كبير يقترب مسرعا تجاهه .. وطلقات مدوية فرت على أثرها أسماك القرش هاربة مفزوعة
فتح عينيه ليجد وجها باسما و يدا ممدودة تجاهه لتنقذه من موت محقق
تدفق الدم فى عروقه ومعه تجدد أمله فى الحياة
أمسك بقوة بإحدى يديه فى بقايا القارب المحطم ثم مد يده الأخرى لمنقذه
إنها العناية الإلهية أرسلته فى الوقت المناسب .. إنها فرصته الوحيدة للنجاة


و فجأة نظر فى عينى منقذه نظرة حادة تحولت إلى نظرة شك وريبة ثم سحب يده مفزوعا من يده

و صاح فى وجهه :
ممكن أعرف إنت مين زقك عليا ؟؟
وطمعان فى إيه بالظبط ؟؟
وإيه يضمن لى إنك مش عاوز تسرقنى أو تقتلنى؟؟
مين وراك ومين إللى باعتك ومين إللى مولك علشان تيجى هنا وأنت مش خايف ؟؟
ثم إيه خطتك و برنامجك لإنقاذى بالظبط ؟؟
ثم صرخ بأعلى صوته :
لأاااااااااااااااااااااااه
مش ممكن اسلم نفسى لحد ما أعرفهوش
أنا عندى أموت ولا إنى أسلم نفسى لحد ممكن يكون مدسوس عليا من جهات خارجية
إنت أكيد عميييييييييييييل

إندهش الشخص الذى أتى لإنقاذه وسأله :
ولكنك فعلا تغرق !!؟؟
ولا أريد سوى إنقاذك
ساعدنى أولا كى أخرجك مما أنت فيه وبعدها إسأل عما شئت وسأجاوبك؟
وتستطيع ساعتها رفضى أو الترحيب بى لأنك وقتها ستكون حى وقادر على التصرف

ضحك الموشك على الغرق ضحكة العالم ببواطن الأمور وقال :
هأو .. ليه هو أنا عبيط بيط بيط ط ط طشششش
......
و .... راح طعاما للقروش