كوسة بالشاميل

كل شىء وليه دواء الا الغباء ملوش حل الغبى من دول لو لف الكرة الارضية مشيا على الاقدام علشان يلاقى دوا ينسى
انه ممكن يتحسن وزى ما قال الشاعر كل داء له دواء يستطاب به الا الحماقة اعيت من يدوايها والحماقة متجسدة قلبا وقالبا فى السيد جمال مبارك وكل شىء بالخناق الا الجواز والرئاسة فى 2011 بالاتفاق مع الشعب وبالانتخاب الحر النزيه وبتغيير دستور يسمح لكل مصرى بالترشح وللمصرى المتغرب بالانتخاب تقوللى بقى تنميه اقتصادية وصناعية مفيش زيها وكأنك بتتكلم عن اليابان واحنا عايشين فى كوكب تانى مش هنصدقك تقول البسطاء عندهم مياه وصرف صحى وعايشين فى بيفرلى هيلز اقولك كداب تسرح بينا وتقول الشعب راضى هنا بقى من حقى اقولك قوم اقف وانت بتكلمنا وقولنا بأمارة ايه راضى هو انت سألته ولا هو اتصل بيك على الموبايل وقالك انا راضى شوف يا سيد جمال هما كلمتين ملهومش تالت لا للتوريث ومسألة الحكم اللى بالكوسة ديه تنساها ممكن تقترح على شركة شيبسى تعملك شيبسى بالكوسة اكتر من كده تبقى غبى و زى ما شرحت فى السطر الاول ان الغباء يستعصى على العلاج يعنى مفيش امل هتعيش كده واحمد ربنا على كده انت نجحت فى التعليم الاساسى بالكوسه عادى خلصت جامعه امريكيه فى مصر بالكوسة بالشاميل مفيهاش مشكلة تشتغل فى بنك فى لندن وتبقى امين لجنة سياسات مؤهلاته بابا هنا اوكيه لكن عايز تبقى الرئيس كده خبط لزق ديه اسمها غباوة يعنى دمك تقيل ومخك على قدك لقيت واحدة تستحمل غباوتك وتتجوزك هى حرة لكن مصر مالها بقى ذنبها ايه واحنا ندبس فيك ليه الشاعر العبقرى قال الغراب يا وقعة سودة جوزوه احلى يمامه بطلوا دا واسمعوا دا طبعا اليمامه اللى انا بقصدها اكيد مش الليدى دوجة اهى شبهك وعايزة تبقى رئيسة مصر هى كمان انا بتكلم على بلدى يعنى اصله مش بالعافيه الراجل اللى يتجوز عافيه ده ويرضاها على نفسه اعتذر عن تدنى اللفظ اللى هكتبه راجل نطع ما بالك بقى لو عايز يحكم مصر ام الدنيا اكيد يبقى ستين نطع اسفه يا جماعة ده اقصى لفظ ممكن انطقه او اكتبه عذرا اصل الكلام على جمال بيطلع اسوء ما فيا بيفكرنى بعجز الناس الغلابة وسطوة الكبار بيحسسنى انى لو سكت اكتر من كده على الظلم ابقى شيطان فى هيئة بشر وثق ان شباب مصر مش هيسكت العيال اللى انت مسرحهم يلموا توقيعات على ايه مش عارفة ويلزقوا بوسترات ليه مش فاهمة وديه اخر حاجة ممكن نعديها لكن اكتر من كده انسى انسى انسى وخليك فى كيس الشبيسى اضمن