قناة الأهلي تهاجم مدحت شلبي من جديد

هاجم شادي محمد قائد النادي الأهلى السابق ، الإعلامي مدحت شلبي بعد هجوم الأخير على علاء عبد الصادق المشرف العام على الكرة بالقلعة الحمراء.
وقال "شادي" عبر برنامجه التلفزيوني : "مدحت شلبي هاجم علاء عبد الصادق ، إحنا بنحترم كل الناس وبنقدر كل الناس ومبنحبش نعلق على أي حد إلا لما تكون الأمور مش في مكانها الطبيعي".
وواصل مدافع النادي الأهلى السابق حديثه : "كابتن مدحت شلبي هاجم وائل جمعة مدير الكرة بالأهلى ، قاله محتاج يتودك بعد موضوع رمضان صبحي وموضوع موسى يدان".
وأكمل : "وائل جمعة نجم كبير وإنجازات كبيرة مع #مصر والأهلي ، الأهلى مش بيحركه إعلام مش علشان مدحت شلبي اتكلم عن مشكلة رمضان صبحي".
وواصل : "اللي بيدخل الأهلى بيدخل على سيستم ونظام هاتولي لاعب واحد عمل شكوى ضد النادي ، ليه اسلوب مدحت شلبي كده ؟ كل واحد عامل فيها فاهم في كل حاجة".
وقال شادي : "وائل جمعة قال عايزين الدوري زي التورتة تتوزع على الجميع مش حصري لقناة معينة وانت يا شلبي قولت اللي معاه فلوس ياخد ، لو جمعة يتودك بالأسلوب ده لا مش عايزين".
وأكد : "ليه مش بنشوف منك نفس الهجوم ده على أندية تانية مع كل إحترامي لها بتقع في أخطاء كثير بس انت مش بتشوف إلا اللي بيحصل في الأهلى بس .. سيب الهلى يا صاحب المبادئ".