أخبار الأهلي : شيكابالا : أرفض عودة عاشور والإنضمام للمنتخب ..وهذا موقفي من الشحات والشيبي

قال محمود عبدالرازق شيكابالا لاعب نادي الزمالك بأنه يرفض الانضمام لمنتخب مصر لأنه يشعر بأنه غريب داخل معسكرات المنتخب.
وقال شيكابالا خلال ظهوره التليفزيوني : «أنا مش حابب انضم للمنتخب كنت بروح دايما بحس إني غريب الناس اللي كانت موجودة بتحسسني إني غريب كنت بروح في أحسن فورمة ليا مش بلعب».
وتابع : «اتقال إني مكنتش بحب المعسكرات وبهرب منها هل لو أنا كنت كده كنت هفضل لحد سن 38 سنة مستمر مرة واحدة قلت لكابتن حسن شحاته مش عايز انضم للمنتخب قلتله أنا اعتزلت خلاص كنت بحس إني غريب وفي الوقت الحالي مركز مع الزمالك شوية ومجهودي للزمالك فقط في الوقت الحالي وحسام حسن من الناس القريبين مني جدا ولكن سايب الأمر ده لظروفه في الوقت الحالي».
وتابع : ولكن في حال طلبني حسام حسن سأفكر في الأمر بكل تأكيد».
كشف محمود عبدالرازق شيكابالا قائد نادي الزمالك بأنه لا يمانع نهائيًا من التدخل من أجل إنهاء أزمة حسين الشحات لاعب النادي الأهلي ومحمد الشيبي لاعب نادي بيراميدز.
وقال شيكابالا خلال حديثه التليفزيوني : «الموضوع هيتحل ولكن لازم يكون كل الأطراف متراضيه حسين قال أنا غلطت يُحترم اللي قاله ولكن لازم نشوف حل للشيبي احنا بنحترمه وبنحترم المغرب وبلده التانيه حسين ممكن يكون عمل موقف نرفزة ملعب وغلط زي ماكلنا بنغلط وأنا بغلط لو هو يقبل الاعتذار مني أروحله ولو ده يرضيه أروحله وبعد الموقف ده أنا بعتله قلتله أنا بعتذرلك نيابة عن لاعبي الكرة كلهم في مصر».
ورفض محمود عبدالرازق شيكابالا، قائد فريق الزمالك، عودة إمام عاشور لاعب النادي الأهلي لنادي الزمالك في حال كانت هناك فرصة لذلك خلال السنوات المقبلة، مضيفا: «حال كانت هناك مناسبة لعودة إمام عاشور للزمالك بالنسبة لي لا أوفق على هذا الأمر».