الأهلي نيوز : سر أزمة فايلر مع صالح جمعة وموقفه من أزارو وصلاح

الأهلي نيوز : صالح جمعة لديه مشكلتين مع فايلر المشكلة الأولي هي صعوبة إلتزامه وإنسياقه لتعليمات المدرب وبفرض إنه قدر يتخطي النقطة ، المشكلة الثانية هي إستايل اللاعب نفسه رغم موهبته. اللاعب تحركاته قليلة ف الملعب وديما رد فعله بيكون من وضع الثبات وميقدرش يقدم الصورة اللي تخدم فكر فايلر عشان كده صالح جمعة كان صعب يلعب ع قفشة حتي لو كان التزم لكن فايلر قال إن اللاعب لحد اللحظة دي منفذش تعليماته وده دش بارد لكي داعمي صالح جمعة اللي بيبذلوا جهد ف الدفاع عنه أكتر من اللي بيبذله اللاعب لإثبات نفسه.
الأهلي نيوز : فايلر مدرب منصف
الأهلي نيوز : حديث فايلر كان منصف لفئة الحرس القديم المقتنعة بإن تدعيم المدرب والإبتعاد عن تشجيع اللعيبة هو آفة الأهلي في سنواته الأخيرة وبتمني نفسها بتكرار تجربة جوزية مرة اخري. الحديث كان منصف ليهم لدفاعهم عنه ف نقطة الحب والكره والعِند وإن الشخصية اللي بتقود تدريب الأهلي غير ذلك بكل بساطة وضح سبب إستبعاد صالح تكتيكيا اولا ثم سلوكيا مع إرفاق معلومة انه للحظة مش مستعد يتعاون، وضح سبب خروج صلاح محسن بإنه مفيد للاعب أكتر لأنه محتاج للمشاركة وهي مش متوفرة معاه حاليا،
الأهلي نيوز : وضح سبب خروج ازارو وازاي هو تعامل إنسانيا مع غضب وعاطفة اللاعب وقال مقدرش الومه ع عاطفة غضبه لكن هو محتاج يخرج لتجربة جديدة وأسلوب لعبه غير مناسب ليا، وضح إصراره وتمسكه بحقه الفني ف إختيار العناصر اللي تستحق تكمل معاه وتاخد مكانها حتي لو ع حساب اللاعب التاريخي للنادي حسام عاشور.
الأهلي نيوز : كلام فايلر بيوضح إن معياره واحد فقط وهو معيار عادل جدا ومفيش لاعب إتظلم او هيتظلم معاه تحت المعيار ده لأن المعيار فني وسلوكي يعني حاجتين راجعين للاعب ولينا ف ياسر إبراهيم وكهربا مثل. كل شئ بيحصل داخل الفريق له أسبابه واللي احيانا بتكون غير واضحة للجمهور لكن الشئ الواضح للأعمي إن شخصية فايلر هي أكتر شخصية مناسبة للأهلي ولطموحات جماهيره وهي الشخصية اللي تقدر تتعامل مع عقلية اللاعب المصري وتظهر احسن ما فيه. رينيه فايلر هو الشخص الوحيد ف المنظومة اللي يستحق يتوجه ليه الدعم الأكبر وكل لاعب ف الفريق يعرف إن الجمهور ديما هيكون مع فايلر.