معروف للاهلى : اتشطروا على مازيمبى بدل ماتبهدلوا الزمالك .. وابوتريكة هيلم تعابين جوزيه

وجه الناقد الرياضى محمود معروف رسالة الى لاعبى الاهلى طالبهم فيه بالتركيز فى مواجهة الترجى بدلا من الفوز على الزمالك بنتيجه كبيرة .

وقال فى مقاله بجريدة الجمهورية " الأهلي : الضرب في الزمالك حرام.. اتشطروا علي مازيمبي.. والترجي!!

وهذا نص المقال :

هشام قنديل : هل عندك أولاد؟ الدراسة يوم السبت.. ليتك تشعر بالتلاميذ الفقراء غير القادرين علي دفع المصروفات وشراء الكراريس!!

الأهلي : الضرب في الزمالك حرام.. اتشطروا علي مازيمبي.. والترجي!!

الزمالك :الطبيعي أن تنهزموا يوم الأحد.. التعادل مرفوض.. إما الفوز.. وإما الموت!!

أبوتريكة :السذج يجمعون لك فلوس الغرامة.. كل واحد بيتبرع بجنيه مع أنك تستطيع التبرع لكل واحد منهم بألف جنيه!

محافظ كفر الشيخ : التجول في المحافظة بالجلابية حاجة جديدة.. حبذا لو تعلق في رقبتك سبحة طويلة وتمسك في ايدك مبخرة!!

الفريق أحمد شفيق: الناس بتشمت فيك كده ليه؟ آمال يقولوا إيه علي زكريا بتاع الفساد للركب وعز بتاع الخردة؟!

أقباط المهجر : إلا سيدنا محمد عليه الصلاة والسلام.. ودين النبي يأكلوكم صاحيين حتي لو كنتم في البنتاجون!!

إلهام شاهين : كبرتي الموضوع أكتر من اللازم.. يطلع مين عبدالله "ضلمه" ده؟ هو اسمه "بدر" واللا "ضلمه"؟!

فاروق حسني : أثق في براءتك.. ما قدمته لمصر من احياء وترميم للآثار لم يقدر عليه 50 وزير ثقافة غيرك!!

شريف إكرامي : الله يرحمه عبدالحليم لو كان علي قيد الحياة لغني لك "وأتاريني ماسك الهوا بايديا.. ماسك الهوا"!!

حسام البدري :ثعابين جوزيه في الأهلي لن يتركوك في حالك.. هات لهم رفاعي.. أو أبوتريكة!!

لجنة المسابقات : ماذا ستفعلون مع شريف إكرامي وقد شتم وسب ولعن بشفايفه!!