أخبار الأهلي : لمحات فنية لفايلر مع الأهلي وتغيير التشكيل يثير القلق

أخبار الأهلي : بعد لقائي الزمالك وسموحه ، بداية جيدة لڤايلر وبعض لمحات فنيه كده مختلفة عن اهلي لاسارتي ولمحات تانية مشابهه للي كان بيقدموا لاسارتي في الملعب ،اولا هل ڤايلر قدم أوراقه اعتماده ؟! ڤايلر في البداية هو من المدربين الهادئين تماما علي الخط ، تصريحاته هادئة تماما مبيتكلمش كتير ومش بيحب الشو يمكن تصريحاته من بدايته مع الاهلي حوالي تصريحين أو تلاته وكل كلامه متزن حتي الآن
أخبار الأهلي : فايلر مدرب متزن وتغير التشكيل يثير القلق
أخبار الأهلي : فنيا بيختلف عن لاسارتي في من اللمحات الواضحة أن الفريق إذا هاجم من ناحية اليسار مثلا بنلاقي عمرو السولية اتقدم في ظهر المهاجم والظهير الأيمن ضم لوسط الملعب عشان يبقي تالت مع قفشة وحمدي فتحي ويخلق كثافة في الوسط وبالتالي شوفنا استرجاع الكرة بشكل سريع جدا من الاهلي مع ڤايلر ، أسلوب ڤايلر بيعتمد بشكل كبير جدا علي العرضيات واعتقد الاهلي هيعمل خطوره كبير طول الموسم من العرضيات
أخبار الأهلي : الشئ الوحيد المقلق حتي الآن في ڤايلر هي مسيرته في سويسرا واللي كان في صحفي سويسري بيلخصها بأنه كان عنده مشكلة كبيرة أنه بيغير في التشكيل كتير جدا وده كان بيسببله مشاكل كتير في الفرق اللي دربها مسيرته ڤايلر تتوقف في رأيي علي جوده اختياره ل 11 اللاعب الأساسيين وتقنين التدوير في الفريق