الأهلي نيوز : كيف ينهي فايلر خطورة ساسي وشيكابالا وبن شرقي في السوبر

الأهلي نيوز : ميتشو وفايلر شخصيتين مختلفتين تماما . ميتشو شخصية مراوغة برجماتية بشكل مرعب وفايلر شخصية واضحة وصريحة لحد انه تضرر كتير في مسيرته بسبب شخصيته المباشرة ، داخل الملعب المواجهة هتكون مختلفة الاتنين من مدرسة ان الفريق بتاعهم يبقى عنده المبادرة وميكونش رد فعل وعشان كدة المباراة هتكون هجومية ومفيش مدرب هيدي ايحاء للتاني انه خايف منه. مش هقدر اتكلم عن الاهلي تفصيليا قبل المباراة لاسباب كتير.
الأهلي نيوز : فايلر مدرب واضح وميتشو مراوغ
الأهلي نيوز : داخل عقل ميتشو هو كتير جدا بياخر قرارات خاطئة اما في تشكيل البداية او في التغييرات بس كمان هو من اسرع الناس اللي بتقرأ الملعب كويس فبتتدارك الخطأ بسرعه بس في مباراة القمة تاريخيا الاخطاء لا يمكن تداركها، ميتشو غالبا هيلعب 4 2 3 1 ، عواد : خيار اساسي لميتشو ولكن عواد رغم قصر قامته الا انه مميز جدا في التسديدات اللي مستواها مرتفع عن الارض بعكس التسديدات الارضية عواد عنده مشكلة كبيرة جدا في تكنيك التعامل معاها واغلب الاخطاء على مدار مسيرته كان نتيجة تسديدات ارضية اتمنى نستغل دة.
الأهلي نيوز : محمد عبد الغني ومحمود علاء : ثنائي ظاهريا متماسك ولكن عندهم عيوب كتير في التمركز في الكرات المتحركة وعندهم مشكلة كبيرة في المساحة اللي بين الظهير وقلب الدفاع اللي بتسمى بال half space والاختراق من خلال المساحه دى بدخول اجنحه الاهلي للعمق هيكون مهم جدا جدا وكمان وجود مهاجم متحرك بيقلل منهم كتير وبيخرجهم من تمركزهم الصحيح بسهولة.
الأهلي نيوز : كيف ننهي خطورة الزمالك في السوبر؟
الأهلي نيوز : حمدي النقاز : باستثناء عرضيات اللاعب المميزه جدا في مستوى ارتفاعها وقوتها فاللاعب نقطة ضعف كبيرة ارتكاب اخطاء في الارتداد والتغطية وحتى مخالفات في اماكن حساسة او امكانية التسبب في ركلات جزاء اللاعب تحت الضغوط بيبقى كارثي ، عبدالله جمعة او عبد الشافي : مفيش حد بيتمنى في العالم ان عبد الشافي يبدأ انهاردة اكتر من احمد فتحي.
الأهلي نيوز : فرجاني وطارق حامد : الضغط على فرجاني لحظة استلام الكرة هو الشئ اللي بيحول فرجاني للاعب عادي جدا بلا اي مميزات فرجاني = مساحة مكان + وقت لاختيار اتجاة التمرير . لو دة متوفرش مفيش فرجاني . طارق حامد لازم يتوتر داخل المباراة من بدايتها دة بيخليه يرتكب اخطاء اكتر وفي وجود حكم زي فيليكس بروتش فهتكون نتيجتها فادحة
الأهلي نيوز : شيكابالا : مواجهة شيكابالا بذكريات شيكابالا 2010 هي مشكلة اغلب اللاعبين شيكابالا المهارة بتجري في دمة ولكن بدنيا هو ضعيف جدا حاليا والالتحامات القوية معاه والضغط عليه وعدم ارتكاب مخالفات في مناطق تهدد الاهلي في ركلاته الثابته هيجرده من كل اسلحته
الأهلي نيوز : اوباما وبن شرقي : اكبر عيوب الاهلي كانت اللاعب اللي بيهرب من الرقابة ويدخل لل box . في مباراة بيراميدز كتبت بوست طويل عن ازاي اريك تراوري بيعمل دة وانها سلبية عندنا وبرضوا سجل منها. اوباما وبن شرقي رأس مالهم الكروى هو النقطة دى وخصوصا بن شرقي سجل فينا بالتخلص من الرقابة ولسه مسجل هدف مع الزمالك بنفس الطريقة. في طرق كتير تدريبيا للتعامل مع المشكلة دى اتمنى نطبقها في المباراة.
الأهلي نيوز : مصطفى محمد : ان لم يشارك بو طيب او عمرو السعيد لاسباب تخص سيكولوجية ميتشو . فمصطفى محمد من اخطر مهاجمي مصر في التمركز مش الاسرع مش الامهر مش الاذكى تكتيكيا مش الافضل في المشاركة في صناعة اللعب ولكن على طريقة بلال وحسام حسن رأس ماله التمركز جوا ال box لازم طول الوقت مدافع الاهلي يبقى سامع ضربات قلب مصطفى محمد ويبقى سابق بخطوة