مصر 2019 : سر الفوضي في صفوف منتخب مصر في عهد أجيري .. وأزمة مزمنة

مصر 2019 : اجيري المدير الفني لمنتخب مصر لم يغير طريقة اللعب هي هي ال4/2/3/1 ، بس بتتغير لكذا مرجعيه عن طريق تغيير تمركز اللاعبين وهما : المرجعيه الأولي هي : 3/4/3 ، نزول الاعب رقم 6 طارق حامد بين ثنائي الدفاع ، مع تقدم الاظهره لمنتصف الملعب ودخول الوينجات للعمق ، ده شئ مهم واساسي للمدرب علشان عاوز يبدأ الهجمه من الخلف تدريجيا ، انا شايف ان دي طريقه مناسبه دفاعيا ، علشان تقدر تغطي المساحات الي بتتخلق بسبب زيادة الباكات ، وعدم رجوع صلاح للمسانده الدفاعيه ، ثم إن عندنا مشكله كبيره في مساحة الfull back ، فابتالي تلعب بثلاثي في الخلف هنا هيكون في قوه دفاعيه كويس ، لأنها بتتحول ل5/3/2 او5/4/1 ، ايضا هتقدر تفوز بلاعب اضافي في خط الضهر في عملية التحول الدفاعي أو الهجومي للخصم
مصر2019 : مرجعية أجيري مع منتخب مصر
مصر 2019 : المرجعيه الثانيه هي : 4/3/3 ، طريقه مميزه للمنتخب ، طارق كارتكاز ثابت ، أمامه ثنائي محاور عبدالله السعيد والنني ، عبدالله ظهر بمستوى كويس جدا في الارتكاز الثالث أو لاعب الbox to box ، في تحركاته بشكل طول ، النني ايضا ظهير بشكل جيد في المباراه السابقه في هذا المركز ، هذه الطريقه ايضا هي بتكون جيده دفاعيه ، لان في حالة فقد الكره بيكون عندك ثلاثي في الوسط يقدر لاعب منهم يغطي في ضهر صلاح الي طبيعي مبيرجعش ، مع رجوع الوينج الاخر فهتدافع بشكل اقرب ل4/4/2 او4/4/1/1 .
مصر 2019 : الضغط الغالي لا يصلح في الكرة المصرية
مصر 2019 : انا ضدد مبدا الضغط العالي في الكره المصريه من الاساس ، لأن طبيعة اللاعب المصري حاليا بيضغط بعشوائيه ، فكرة الضغط عند الاعب المصري هي ترك مساحته والضغط علي حامل الكره ، دون النظر لمرجعية المساحه والكره تماما ، ثم ايضا خط الدفاع المتقدم وحنا عندنا مشكله في السرعات والارتداد الدفاعي ، انا اختلافي حاليا مع اجيري حاليا ، هو في انك عاوز تلعب طريقه معينه كان في أفراد افضل تقدمها ، بس المشكله الأكبر في تمركزات اللاعبين التكتيكية داخل الملعب اذا كان المساحه في وسط الملعب ، أو الfull back ، او بين ثنائي قلب الدفاع ،
مصر 2019 : عندنا جمل هجوميه بتتنفذ ، أو شكل هجومي ملحوظ ، مثل مثلا نزول راس الحربه لا استلام الكره مع دخول الوينج للعمق ، عمل ثنائيات بين الوينج والظهير ، لاعب الbox to box , بيتحرك اكثر مابين الخطوط ، تركيز علي التمرير في المساحات بين الخطوط مستغلا عبدالله السعيد ،