الأهلي اليوم : صن داونز فريق قوي .. ولكن الأهلي يستطيع الفوز بهذه الخدعة

الأهلي اليوم : فريق صن داونز مع مدربه موسيماني على عكس أغلب فرق القارة السمراء فريق منظم تكتيكيًا و مش عشوائي سواء دفاعيًا بخصوص التمركز و التحولات و الترحيل و ما إلى ذلك أو هجوميًا حتى لو بيعتمد في هجومه على الهجوم المباشر لكن برده بدون عشوائية عن طريق تمريرات طولية متقنة على الأطراف أو قصيرة على الأرض في العمق لكن في النهاية هي تمريرات منظمة و ليست عشوائية .
الأهلي اليوم : صن داونز فريق منظم
الأهلي اليوم : صن داونز بيلعب في إطار الرسم التكتيكي الخاص ب4-2-3-1 و 4-4-2 أو 4-4-1-1 يعني بإختصار فريق لما بيدافع بيبقى شكله عبارة عن 4 مدافعين على خط واحد قدامهم ثنائي إرتكاز بيمتازوا بالقدرات الدفاعية مع وينجين بيرتدوا دفاعيًا على نفس الخط مع لاعيبة الارتكاز و لاعب قدامهم و قدامه مهاجم وحيد
الأهلي اليوم : مش قادر أحدد ثغرات معينة في تنظيمهم الدفاعي خصوصًا مع الغيابات اللي عندهم لكن لو هقول عن مساحة ممكن يستغلها الأهلي هتبقى المساحة اللي بين الظهير و الوينج لأن متوقع بكرة مع الأرض و الجمهور إنهم هيندفعوا بالتالي الأهلي ممكن بإرتداد سريع من الدفاع للهجوم يلعب على المساحة دي ، وجود حسين الشحات مهم مع رمضان صبحي عشان يبقى عندك لاعيب بيستلم الكورة في رجله و بيعرف يقف و يتقل عليها و يلف بيها اللي هو رمضان و لاعيب سريع و خفيف بيستلم في مساحة على الأطراف على عكس لما تبدأ برمضان مع آجاي و الأتنين نفس الاستايل تقريبًا .
الأهلي اليوم : ثنائية سعد وأشرف خطر
الأهلي اليوم : ثنائية أيمن أشرف و سعد سمير كارثية لكن اليوم هتكون كارثية أكتر و أكتر ؟ لأن فريق صن داونز دايمًا عنده كثافة عددية في منطقة الجزاء بأتنين أو 3 لاعيبة على الأقل لما بتكون الكورة على الأطراف لإستغلال أي كورة عرضية و طبعًا كلنا شاهدين على تمركز سعد سمير في الكور العرضية و على قصر قامة أيمن أشرف.. و لو إني عارف إن ده بنسبة كبيرة مش هيحصل لكن أتمنى بأي شكل رامي ربيعة و ياسر ابراهيم هما اللي يبدأوا أو على الأقل واحد منهم مع واحد من سعد أو ايمن لإنقاذ ما يمكن إنقاذه .