الأهلي اليوم : ألغاز لاسارتي في لقاء الجيش .. ومصيره مع الأهلي

الأهلي اليوم : الأهلي إستقر علي أن يكمل لاسارتي بقية مباريات الدوري ، وسيتحمل نتيجة ذلك ، قدر الله حصل اخفاق وفقدنا البطولة بنسبة 95% مش هيكمل لو فاز بالدوري قد يستمر ، والى الان الجمهور منقسم ما بين جزء محتار بين كرة ايجابية وهجومية ومتماسكة وجماعية بيقدمها لاسارتى على المستوى المحلى تقدر بالفعل تحسملك بطولات محلية لكن 0 خبرة بالبطولات الافريقية او دراية بظروف وملاعب وفرق القارة أدت لخروج صعب وعدم ضمان اصلاح الجزئية دى عند المدرب مستقبلا ، وبين جزء تانى من الجمهور شايفه مدرب ابيض تماما كل اللى فرقه مع الاهلى جزئية الاستحواذ لكن تغييراته خاطئة ومش بيدير الملعب صح اثناء تأزم الموقف ف اى مباراة ..
الأهلي اليوم : تحفظ علي أختيار لاسارتي للتشكيل والتغييرات
الأهلي اليوم : لو تحدثنا عن لقاء الجيش ، أفضل شئ إستبعاد جايى لان واضح جدا انه خارج الفورمة لدرجة انه حتى مابيستلمش الكرة ف رجليه صح واى هجمة للاهلى بتقف عنده وبتضيع سواء قدام المرمى او في نصف الملعب حتى ، ولكن فوجئت الجماهير أن لاسارتي سحب حمدي فتحي في اكتر اوقات الماتش تأزما والناس على اعصابها ومنزل اجايى بداله دة معناه ايه ؟! وبعد نزوله اجايى لم يضيف أي جديد وكرر نفس اللى بيعمله وبيعطل هجمات الفريق
الأهلي اليوم : العجيب في الامر ان ان لاسارتي كمدير فنى مفروض انه أدرى الناس بحالة لاعيب الفريق علي الدكة والاجهز والافضل للنزول وف أى توقيت وهناك مساعدين يفيدوا في التغييرات خاصة لما تنزل اجايى بدرى وتركن وليد سليمان للدقيقة 83 فينزل وليد يقلب الماتش ويقدم ف 7 دقايق اللى لم تستطيع كل الاجنحة الى شاركت ف الماتش ويصنع هدف الفوز تبقي رؤية الجهاز غير صحيحة
الأهلي اليوم : أيمن أشرف خطر كبير علي الأهلي
الأهلي اليوم : قد يعتبر البعض خروج ياسر ابراهيم ونزول لاعب يشارك ف الهجوم مغامرة ايجابية وجرأة مطلوبة من المدرب ف وقت أزمة لانقاذ الماتش ، لكن انا ليا رأى ان ثنائية ياسر ابراهيم / رامى ربيعة هى الافضل كمستوى أداء ف كل مدافعين الاهلى ف الفترة دى .. ايمن اشرف متهور بطريقة تودى ف داهية وبيتسبب ف كوارث ومع ذلك المدرب لما يخرج مدافع يخرج ياسر ويسيبه عشان يغطى ورا تقدم معلول يعنى طيب دى محدش هيعرف يعملها الا ايمن اشرف ؟! .. ايمن ف المواقف الصعبة زيرو ثبات انفعالى