الأهلي نيوز : كيف قهر الأهلي الزمالك في لقاء الأتحاد .. وثنائية مرعبة في الفريق

الأهلي نيوز : حاول البعض السخرية من مقولة “روح الفانلة الحمرا” بل و أنفق بعضهم الأموال في إعلانات للسخرية منها إعتقادًا منه إن تكرار السخرية هيخليها جملة مستهلكة و بلا قيمة لكن واضح ان مع عودة روح الأهلي من جديد هو اللي هيصبح بلا قيمة .
الأهلي نيوز : روح الفانلة الحمراء ترد علي المشككين
لكن فنيًا لاسارتي عمل ماتش سئ و على عكس ناس كتير مش شايف ان السبب في ده هو التدوير حتى لو التدوير أحد الأسباب لكن معتقدش انه السبب الأكبر لأن على سبيل المثال التدوير أفاد الأهلي بمشاركة الثنائي رامي ربيعة و ياسر ابراهيم اللي عملوا ماتش كبير جدًا و حتى أحمد فتحي قدم أداء جيد .
لكن لاسارتي عمل ماتش سئ لأن دايمًا اختياراته للعناصر الهجومية فيها مشكلة، ماتش الزمالك اختار رمضان مع اجاي مع مروان و كان كفاية اوي واحد او اتنين منهم مع واحد من الشحات و جيرالدو و أزارو و على العكس النهاردة بدأ بالثلاثي الآخير.. عيب الثلاثي الأول قولناه بعد القمة ان كلهم بيستلموا في وضع ثبات و مشكلة الثلاثي الآخر انهم بيستلموا من وضع الحركة في المساحة أفضل ما بيستلموا في وضع ثبات و عشان تستغل كلاهما لازم تعمل توليفة بينهم هما ال6 لكن كل ثلاثي فيهم لما بيشارك في ماتش واحد بيعطل بعض .
وجود أجنحة خط زي الشحات و جيرالدو بيعطل نقل الهجمة للأهلي لأن الثنائي مش من مميزاتهم انهم ينزلوا يشاركوا في بناء الهجمة و الثنائي بيفضل واقف على الخط مستني الكورة بالتالي حركة الأهلي بدون كورة كانت قليلة جدًا بالتالي تحضير الهجمة عند الأهلي كان بطئ جداااا و كان بيضطر لاعيبة الأهلي انها تلعب كور طويلة عند أزارو بلا جدوى ولا حتى كنت بتاخد الكور التانية .
من ضمن الاختيارات علامة استفهام اسمها مشاركة ناصر ماهر كأساسي كل المدة دي و هو لاعيب 90% من قراراته غلط رغم ان مركزه أهم صفة لازم تبقى عنده القرار .
أعتقد لازم يكون لاسارتي شاف إن ثنائية رامي و ياسر هي الأنسب و إن فتحي وجوده في أي مركز في الملعب مهم .