رسائل من وحي أحراش أفريقيا الوسطى

1. برادلي : مش عارف بتهيألي إسمك براد ''ليه‘‘ !! وكان لازم أعمل ''براد‘‘ شاي علشان أفهم خطتك يا خواجة !!

2. أحمد تمساح : مش عارف ليه جه على بالي فجأة في المباراة إن التمساح دا من الزواحف !! عندك فكرة ليه ؟؟

3. فتح الله : ربنا يفتح عليك كمان وكمان يا بني ، مش عارف ليه لما بشوفك تلعب في المنتهب بفتكر إعلان التليفزيون عن الجاسوس !!

4. محمد صلاح : مارادونا مين دا يا اللي بيقارنوه بيك ؟ دا انت من كوكب آخر بس للأسف بتمارس كرة من كوكب آخر برضه !! هي سنة في سويسرا تشوف التلج وترجع يتحارب عليك الأهلي والزمالك !!

5. زيدان : دا مدرب ماينز دا طلع بيفهم بجد وانا اللى قولت عليه مدرب حمبولي !! انا عرفت دلوقتي مين الحمبولي ..

6. حسني : معلم من يومك تحس إنك نازل الملعب ولابس أجدع جلابية ومعاك عصاية تضرب بيها اللعيبة ، بس انت زودت اللبس بالعمة !!

7. أبوتريكة : مكنتش لعبت كان أرحم ليك ولينا !! وما قدرش أتكلم عليك .

8. عبدالشافي : لا بتدافع ولا بتهاجم !! إنت بتشتغل إيه ؟ حكم مساعد تحت التمرين ولا إيه ؟؟

9. المنتخب كله : ما اتذكرش اني شوفت المنتخب بيتغلب في مصر من أي ولا أعتى فريق فيكي يا أفريقيا ، اللهم مباراة السنغال في إفتتاح كأس أمم 86 !! ما شاء الله كتبتم إسم في التاريخ بس بحروف من وحل !!

10. الجمهور : بالذمة تسيبوا اليورو وكل المتعة والحلاوة دي وتروحوا تتفرجوا على المنتخب ؟؟ بصراحة تستاهلوا جبتوا لنفسكم حرقة الدم ، مش كفاية حرقة الدم ليل نهار في كل حاجة تزودوها بالفرجة على منتخب الحالات الخاصة دا!!