أخبار الأهلي : كيف يكتسح الأهلي الترجي في رادس بمساعدة الإسماعيلي

أخبار الأهلي : رغم الفوز الذي حققه الفريق الأول لكرة القدم في النادي الأهلي ، علي حساب الترجي التونسي بالأمس بنتيجة 3/1 ، في ذهاب نهائي دوري أبطال أفريقيا ، إلا أن الفريق في وضع غير مطمئن خلال لقاء العودة المقرر أقامته يوم الجمعة القادمة ، علي ستاد رادس بالعاصمة التونسية .
أخبار الأهلي : الأهلي يحتاج لهدف في لقاء العودة في تونس

أخبار الأهلي : الأهلي يحتاج لهدف في شباك الترجي في لقاء العودة ، حتي لايضل الفريق هدد ، هدف واحد للترجي يشعل اللقاء خاصة أن هدف تاني يساوي البطولة ودول ممكن يتم تسجيلهم في ثواني فبالتالي الماتش مش سهل والنتيجة مش حاسمة ومش خالية من العيوب ، لو كنا جيبنا الرابع كنا قولنا ان الوضع صعب اوي ع الترجي ينزل يسجل 3 اهداف وشباك نظيفة لكن هدفين دي دايماً هتحطك تحت ضغط طالما انت مسجلتش وخصوصاً لاننا عندنا مشاكل دفاعية ..

أخبار الأهلي : في نقاط ايجابية كتير هنستفيد منها في ماتش العودة ، اهمها علي الاطلاق هي اجبار الترجي علي الهرولة عشان يعوض ،، دائماً وابداً من يوم ما وعيت علي ماتشات افريقيا وانا بشوف الترجي فريق علي ملعبه بيهاجم بشراسة وبيفتح الملعب بصورة مفيهاش توازن ،، الاهلي بيحتاج يعوض في اوقات كتير لكن الترجي عمره ما بيعمل كدة وهو متوزان لا هيفتح وكالعادة هيبان الاهمال الدفاعي المعتاد مع ضعف حراسة المرمي ..

أخبار الأهلي : نقاط قوة للأهلي في لقاء رادس

أخبار الأهلي : دي كانت اهم نقطة في ماتش الذهاب بعيداً عن حسابات الاهداف ، انك تحط الترجي تحت ضغط في ملعب رادس ، انه يفضل يجري وراك عشان يحصلك ويهرول وراك عشان يلحقك في النتيجة ويفتح ويديك فرصة تلدغه بهجمات سريعة ، ودة نفس السيناريو اللي حصل للترجي في 90% من النسخ اللي خرج منها او خسرها ..

أخبار الأهلي : في 2003 الاسماعيلي كسب الترجي 3-1 في اسماعيلية وفي تونس في ستاد المنزه علي ما اذكر الترجي فتح ملعبه ، وحط الاسماعيلي في تلت ملعبه ومنطقة الجزاء من اول دقيقة وكان الماتش في رمضان ولعبوه الصبح ، الاسماعيلي لم نفسه وبهجمات سريعة ضرب الترجي وخلص الماتش من الشوط الاول بهدفين عشان الفدادين في وسط ملعب الترجي والاهمال الدفاعي المعتاد ، ودة نفس اللي اتكرر حتي قدام اول اغسطس في نص النهائي اندفاع هجومي ومساحات واخطاء بالعبيط فيحطوا جونين ولولا سوء حالتهم الدفاعية كانوا وصلوا النهائي ..
أخبار الأهلي : الأهلي يحتاج لسيناريو الإسماعيلي امام الترجي

أخبار الأهلي : غياب فرانك كوم جميل اوي اوي ، الواد مبيبطلش جري ماتور مبيفصلش وتغطيته في المرتدات مش هتبقي موجودة واياً كان البديل مش هيقدر يقوم بنفس الدور ودة هيدينا افضلية ، المرتدات السريعة واللعب علي عمق دفاع الترجي الضايع خالص يخلينا نجيب جون ونريح نفسنا ونجيبلهم احباط بدري بدري زي سيناريو الاسماعيلي في 2003