معروف للبدرى : قبل ما تدخل حجرة جوزيه بخرها وحط فيها "نفتالين بليه" .. ومتعب لسه فى شهر العسل

طلب الاعلامى محمود معروف من الكابتن حسام البدرى المدير الفنى للنادى الاهلى ان يقوم بتبخير الحجرة التى كان يجلس بها البرتغالى جوزيه المدير الفنى السابق للقلعة الحمراء .

وقال معروف فى مقاله بالجمهورية " حسام البدري : قبل ما تدخل حجرة جوزيه بخرها وحط فيها نفتالين بليه!!

وهذا نص المقال كاملا :

الشعب المصري :غداً تنطلق كأس الأمم الأوروبية وهي أقوي من كأس العالم.. استمتعوا وانسوا قرف الانتخابات وزحمة المليونيات ومشاكل الستات!!

منتخب الكرة:غينيا هي عنق الزجاجة نحو كأس العالم.. اخرجوا منها حتي لا تختنقوا في البطولة!!

أبوالفتوح وصباحي وعلي : الناس رفضتكم .. مجلس رئاسي ايه اللي عايزين تعملوه؟ ادخلوا انتخابات المجالس المحلية!!

خالد علي : عامل زيطة وهليله علي ايه؟ ده كل أصواتك يادوب تنجحك في مركز شباب!!

عماد متعب : اعتذارك عن مباراة غينيا مرفوض.. هو أنت لسه في شهر العسل.. ياعسل؟!

أحمد حجازي: نتمني ان تنجح وتستمر في فيورنتينا الايطالي ولا تعود سريعا زي أصحابك!!

أحمد المحمدي : تلعب في ساندر لاند أو ويستهام أو حتي مركز شباب منشية لندن مش مهم.. المهم ترجع بالاسترليني وتتعلم انجليزي!!

أهالي محافظة الشرقية : ماشية معاكم حلاوة .. الرئيس القادم سيكون من الشرقية.. افرحوا وارقصوا واعزمونا مع القطر!!

المستشار أحمد رفعت : في كل الأحوال دخلت التاريخ وأكاديمية الشرطة دخلت الجغرافيا!!


شادية : ألف سلامة "ياحبيبتي ياشادية" .. قصدي "ياحبيبتي يامصر" انتي وشادية!!

حسام البدري : قبل ما تدخل حجرة جوزيه بخرها وحط فيها نفتالين بليه!!

شباب ائتلاف الثورة : لو بتحبوا مصر فعلا روحوا سينا وازرعوا مليون فدان قمح لأهالينا الواقفين في طابور العيش!!

محمد البرادعي : لو ترشحت للرئاسة لنجحت باكتساح.. لكنك للأسف تهرب وقت اللزوم!!

أحمد أنيس : الجاهلون بالإعلام لا تهتم بهم.. هؤلاء دخلوا المجلس خطأ!!

أحمد الشناوي : لا توقع للزمالك وانتظر أوليمبياد لندن ربما تحترف في أوروبا أو سكر أبوقرقاص