معروف للشناوى : لا تلعب فى الزمالك وانضم لسكر أبوقرقاص .. ولمتعب : هو انت لسه فى شهر العسل ؟

طالب الناقد الرياضى محمود معروف فى مقاله الأسبوعى بجريدة الجمهورية اللاعب أحمد الشناوى حارس مرمى المصرى البورسعيدى بعدم التوقيع للزمالك .
وقال معروف للشناوى "لا توقع للزمالك وانتظر أوليمبياد لندن ربما تحترف في أوروبا أو سكر أبوقرقاص" .
وفيما يلى نص مقال محمود معروف كاملاً :
الشعب المصري: غداً تنطلق كأس الأمم الأوروبية وهي أقوي من كأس العالم.. استمتعوا وانسوا قرف الانتخابات وزحمة المليونيات ومشاكل الستات!!
منتخب الكرة: غينيا هي عنق الزجاجة نحو كأس العالم.. اخرجوا منها حتي لا تختنقوا في البطولة!!
أبوالفتوح وصباحي وعلي: الناس رفضتكم .. مجلس رئاسي ايه اللي عايزين تعملوه؟ ادخلوا انتخابات المجالس المحلية!!
خالد علي: عامل زيطة وهليله علي ايه؟ ده كل أصواتك يادوب تنجحك في مركز شباب!!
عماد متعب: اعتذارك عن مباراة غينيا مرفوض.. هو أنت لسه في شهر العسل.. ياعسل؟!
أحمد حجازي: نتمني ان تنجح وتستمر في فيورنتينا الايطالي ولا تعود سريعا زي أصحابك!!
أحمد المحمدي: تلعب في ساندر لاند أو ويستهام أو حتي مركز شباب منشية لندن مش مهم.. المهم ترجع بالاسترليني وتتعلم انجليزي!!
أهالي محافظة الشرقية: ماشية معاكم حلاوة .. الرئيس القادم سيكون من الشرقية.. افرحوا وارقصوا واعزمونا مع القطر!!
المستشار أحمد رفعت: في كل الأحوال دخلت التاريخ وأكاديمية الشرطة دخلت الجغرافيا!!
شادية: ألف سلامة "ياحبيبتي ياشادية" .. قصدي "ياحبيبتي يامصر" انتي وشادية!!
حسام البدري: قبل ما تدخل حجرة جوزيه بخرها وحط فيها نفتالين بليه!!
شباب ائتلاف الثورة: لو بتحبوا مصر فعلا روحوا سينا وازرعوا مليون فدان قمح لأهالينا الواقفين في طابور العيش!!
محمد البرادعي: لو ترشحت للرئاسة لنجحت باكتساح.. لكنك للأسف تهرب وقت اللزوم!!
أحمد أنيس: الجاهلون بالإعلام لا تهتم بهم.. هؤلاء دخلوا المجلس خطأ!!
أحمد الشناوي: لا توقع للزمالك وانتظر أوليمبياد لندن ربما تحترف في أوروبا أو سكر أبوقرقاص